p:start

Proverbs Starting with P

Pa antre nan batay san baton.
Pa ban m kaka poul pou bè.
Pa ban m konsèy, ban m lajan.
Pa bay bèf la baboukèt lè l ap rale kabwèt.
Pa bay chat veye bè.
Pa bay lou mouton pou l gade.
Pa bliye gran chemen pou chemen travès.
Pa bliye jòdi sa ou te ye ayè.
Pa bliye premye grenn lapli ki fè mayi ou pouse.
Pa boule kay ou pou chase sourit.
Pa bwè metsin sou tèt pentad mawon.
Pa chache lè ou pa mete.
Pa danse sou de pye kote moun ap danse sou yon sèl pye.
Pa dekouvri chòdyè ki pap bouyi pou ou.
Pa di lougawou nwi ou si li pa poze sou kay ou.
Pa fè dyab pi nwè pase li ye.
Pa fè m sa m pap fè ou.
Pa file kouto anvan ou touye kabrit.
Pa fòse je pase nwit.
Pa fouye zo nan kalalou.
Pa gad sou pye bourik pou ba l chay.
Pa gen kòd ki kapab mare dyab la.
Pa gen lafimen san dife.
Pa gen lèt ki moute, ki pa desann yon lè.
Pa gen moun pi soud pase sa yo ki pa vle tande.
Pa gen omlèt san kase ze.
Pa genyen pa gen gou.
Pa gen renmen ki pa mande kite.
Pa genyen se mizè, gen twòp se tèt chaje.
Pa gen sitiyasyon ki pa gen solisyon.
Pa gen Tonton Nò, pa gen palmis.
Pa janm asosye pase ak egal ou.
Pa janm bliye premye grenn lapli ki te fè mayi ou pouse.
Pa janm dekouvri chòdyè ou pa mete sou dife.
Pa janm di yon chèf li pa chèf.
Pa janm jije moun sou sa yo di.
Pa janm joure manman kayiman nan mitan lanmè.
Pa janm kite vye chemen ou pou chemen nèf.
Pa janm kouri dèyè rat paske ou pa konn longè twou l.
Pa janm kouri nan de chemen alafwa.
Pa janm koute pete bourik pou touye l anba chay.
Pa janm leve nèg nan dòmi pou ou ba l manje.
Pa janm mete chat veye mantèg.
Pa janm pale lougawou mal devan moun.
Pa janm ranmase sa yon lòt jete.
Pa janm twoke yon mouchwa pou yon bonnèt.
Pa jete vye chodye; ou a bezwen l ankò.
Pa jete vye chodye pou chodye nèf.
Pa joure manman kayiman tout tan ou pa janbe larivyè a.
Pa jwe ak dife.
Pa kale kokoye pou po.
Pa kapab fè omlèt san kase ze.
Pa kite bouch ou mennen kò ou.
Pa kite bourik pou bat makout.
Pa kite kochon a kwòk bare ou nan chimen jennen.
Pa kite kòk bat kòk ou.
Pa kite moun konnen afè ou.
Pa kite tripotye janm vin pòtye trip ou.
Pa kite yo dòmi sou ou.
Pa kite moun koupe zèb anba pye ou.
Pa konfye vant ou bay nenpòtki.
Pa konn li se mizè kretyen.
Pa konnen pa bon, men pa swete konnen pi mal ankò.
Pa konnen pa janm al lajistis.
Pa konnen pa janm al nan prizon.
Pa konte ze nan vant poul.
Pa kontrarye danje si ou poko fouye twou malè.
Pa koute fab, se kont.
Pa kwoke chapo ou pi wo pase men ou.
Pa kwoke makout ou pi wo pase men ou.
Yon pa lajounen vo de (2) lannwit.
Pa m se pa m, pa ou se pa ou.
Pa mande sa ou pa ka fè.
Pa mare bouch bèf la lè l ap rale kabwèt.
Pa m se pa m, pa m se pa pa ou.
Pa mete tout ze ou yon sèl panyen.
Pa moute sou wòch pou pale tè mal.
Pa okipe myse, kochon manje santiman l nan po bannann.
Pa ou se pa ou.
Pa papa m pa m, pa m pa pa papa m.
Pa pase bagay serye nan jwèt.
Pa pèdi yon founen pou you sèl pen.
Pa pouse m. M a mache.
Pa pran chans; pa pèdi chans.
Pa pran medsin sou kont pentad mawon.
Pa prann sa k pa pa ou.
Pa rache nen ou pou nwi figi ou.
Pa reveye chat k ap dòmi.
Pa sèvi pè pou kite piti ou mouri chwal.
Pa siye branch bwa ki anba pye ou a.
Pa tann zannimo fin rantre anvan ou mande fèmen baryè.
Pa touche nèg ki benyen nan gwo dlo.
Pa touye tèt ou pou piman, pou lè pwav bon mache, pou pa jwi li.
Pa voye wòch konble lanmè.
Padon pa geri maleng.
Pale ak chen, ou va wè si li gen dan.
Pale anpil fè kont.
Pale anpil fè machwè gonfle.
Pale anpil pa di anyen, se rezonnen ki di kichòy.
Pale anpil pa vle di bèl orate.
Pale anpil pa vle di ranje peyi pou sa.
Pale anpil pi mal pase fèmen bouch.
Pale dousman si ou pale damou.
Pale franse pa di lespri pou sa.
Pale franse pa fè me pè.
Pale franse pa metye.
Pale franse pa voye nan mache.
Pale mal se lapriyè jouda.
Pale mal se nouriti zòrèy.
Pale yon moun mal, pi mal pase yon kout sab.
Pale sa ou konnen, pa pale sa ou pa konnen.
Pami diri ti wòch goute grès.
Pami mouch, ou pa konnen mal ak femèl.
Pan di li se yon bèl zwazo, se donmaj pye li lèd.
Pandan ou ap flannen, vyann lan ap boule.
Pandan ou ap ri, chandèl la ap boule.
Panno pi long pase sak pay.
Pantalon sere pa jatyè.
Panyen konnen pa janm plen twòp.
Panyòl fè bat kat yo pa konnen kouman y a fini.
Panyòl sou kay! Vire koze.
Papa ki gen pitit pa dwe fè mal.
Papa konn twonpe, men manman menm pap twonpe.
Papa pitit toujou gen tach sou kanson l.
Papiyon karese lanp, li fè wonn li, e se ladann li mouri.
Yon papiyon pa fè mwad me.
Papye chanje nan biwo.
Papye sipòte tout sa ou vle.
Pare dlo, tann swaf ou.
Pare pa pare, lantèman pou katrè.
Parès pa bay.
Parese pa bay fanm gwòs.
Parese pa gen kay.
Parese pa paveni.
Parese renmen chofe chèz.
Parese renmen manje tou kwit.
Parese se frè mandyan.
Paske kabrit kaka pilil, li kwè li se famasyen.
Paske rat konnen sa li fè nan nwit, li pa sòti lajounen.
Paste ap danse, l ap veye nan makout li.
Pasyons bon, men bay bouch ou baboukèt li pi bon.
Pasyans fè ou wè lonbrit foumi.
Pasyans fè ou wè longè fyèl foumi.
Pasyans fè ou wè trip foumi.
Pasyans se anmè, men fwi se dou.
Pasyans se ganyan.
Pasyans yon manman pi long pase ray tren yo.
Patat trangle mwen, men kalalou degaje m.
Pati anvan pa di ou a rive pou sa.
Pati bonè pa anyen, se byen mache ki kichòy.
Pati bonè pa di anyen, se konn chemen ki tout.
Pati bonè pa di konn chemen pou sa.
Pati bonè pa di kont, men se konn rout la ki konte.
Pati bonè pa fè jou louvri.
Pati bourik, tounen milèt.
Pati pa vle di ou a rive pou sa.
Paveni pa konnen papa yo.
Pawokèt pa al nan lagè, men si plim li ale, se li ki ale.
Pawòl ak wòch pa janm tounen yon fwa ou voye yo.
Pawòl ale, ekriti rete.
Pawòl anpil, machwè gen flè.
Pawòl anpil mennen kont.
Pawòl anpil se chaj.
Yon pawòl di nan zorèy, repete lwen.
Pawòl frè ak sè, pèsonn pa bezwen mele.
Pawòl gen pye zèl.
Pawòl granmoun fè rale boutèy blanch.
Pawòl granmoun se trezò sajès.
Pawòl nan kè pa gate zanmi.
Pawòl nan vant pa pouri trip.
Pawòl pa chaj.
Pawòl pale dewoke baton nan klou.
Pawòl pale pawòl konprann.
Pawòl rale pawòl.
Pawòl se van, ekriti se dokiman.
Pawòl se van, ekriti se testaman.
Pawòl twò fò, machwè gonfle.
Payas fè bri, matla kouvri li.
Pè di mès long, men li pa di paradi pou sa.
Pè pa janm preche de fwa sou lotèl.
Pè pa preche de fwa nan yon sèl mès.
Pè pou dan, pa pè pou mayi chèch.
Peche kache pa padonnen.
Pedevi mouri, gadò gen kanpo.
Pèdi pou pèdi, pèdi nèt.
Pengwen pa zannanna.
Pentad di li malen, jou malè ti zèb mare yo.
Pèsonn pa ka konnen twòp.
Pèsonn pa kab nan sèvis ka de mèt.
Pèsonn pa pèdi san yon lòt pa genyen.
Pèsonn pa tande kriye pòv la, ni son klòch an bwa.
Peye dèt pi onorab pase lese moun fè ou wont.
Peyi Dayiti se tè glise.
Peyi isit, mwen pè li kou fizi de kou.
Peyi ou se la ou kapab viv.
Pi bèl denmen pa rann lavèy.
Pi bèl kalite fanm se kan li natirèl.
Pi bon dwòg, se rete trankil.
Pi bon linèt, se je ou.
Pi bon zanmi ou, se li ki vann ou.
Pi bonè se granm maten.
Pi byen lenmi ak byen.
Pi di pase monte ma swife.
Pi fèb ki soufri.
Pi fèb toujou gen tò.
Pi gran nèg, se moun ki fè respe l.
Pi gran nèg, se moun ki ret trankil.
Pi gwo dwòg se rete trankil.
Pi gwo pi gra.
Pi mande pi bezwen.
Pi move peyi se sila a kote ou pa gen zanmi.
Pi piti pi rèd.
Pi piti pi rèd jilèt file pase manchèt.
Pi piti pi rèd, pi piti pi bon.
Pi sansib, pi soufri.
Pi ta miyò pase janmen.
Pi ta, pi tris.
Pi wo pran pi gwo so.
Pi wouye pi koupe.
Pichkannen zòrèy li, nonm lan va leve.
Piga ak fè atansyon pa anpeche jou malè rive.
Piga fo zanmi, se lajan ki drese kwochi.
Piga janm bliye yon sèman lè ou fini fè l.
Piga joure manman kayiman toutou ou poke fin janbe larivyè.
Piga konte; sa ki dous pou ou jòdi va anmè denmen.
Piga miyò pase malè.
Piga nou janm kriye lanarye twò bèl.
Piga ou fè dlo k ap dòmi konfyans.
Piga ou retire trip pou ou mete pay.
Piga prese konte sou sa ki dous pou ou jodi, li ka vin anmè denmen.
Pikan nan men pa bay tan pou wete sa k nan pye.
Pikan pa zepeng.
Pikan pouse nan jaden parese.
Pile chen, ou a konn si l gen dan.
Pile pitimi pa gen zanmi, se kan li kwit li gen zanmi.
Pilon fouye nan bwa, se nan kay yo sèvi avè l.
Pilon k pilon, van brote l, ale vwa pou vannen.
Pise chat pa alkali, ou pa ka respire l.
Pise gaye pa fè kim.
Pise ki kouri pa kimen.
Pise koupe fè.
Pise krapo ede larivyè koule.
Pise krapo fè larivyè desann.
Pise mayengwen ogmante larivyè.
Pise tig pa byè.
Piti bon, piti pa bon.
Piti ki sèvi pa anpil.
Piti kou yon fanm piti, li toujou kapab okipe yon kay.
Piti miyò pase anyen.
Piti pa janm grandi anba gwo.
Piti pi bon pase anyen.
Piti piti fè lonè prezidan.
Piti piti fè pil.
Piti piti jou louvri.
Piti piti plen kay.
Piti piti zwazo fè nich li.
Pitimi san gadò.
Pitimi tonbe, ranmase li; kretyen tonbe, pa ranmase li.
Pitit chat pa janm jape, se myaw li toujou rele.
Pitit chat se myaw pou li fè.
Pitit Desalin pa fèt pou esklav.
Pitit deyò toujou sanble papa.
Pitit fè m bobo kochon.
Pitit fi fè ou bo kochon.
Pitit gason deyò toujou sanble papa li.
Yon pitit ka gen anpil papa, li ka genyen yon sèl manman.
Pitit ki bezwen tete, se li ki rele.
Pitit ki kriye, se li k bezwen tete.
Pitit ki pa kapab tete manman li, yo tete grann.
Pitit ki pa kriye pa bezwen tete.
Pitit malere maledve; pitit gran nèg malapri.
Pitit moun pòv pa janm gen rezon douvan pitit moun rich.
Pitit moun, se lave yon bò, kite yon bò.
Pitit mouri nan men manman l, nanpwen repwòch.
Pitit pa janm gran devan manman.
Pitit pa janm mouri pou manman.
Pitit pè pa ka mouri san batize.
Pitit pi fò pase maryaj.
Pitit pitit se kouwòn granmoun.
Pitit san batize, manje san kraze.
Pitit se baton vyeyès gran moun.
Pitit se byen pòv malere.
Pitit se richès pòv malere.
Pitit tig se tig.
Pito bourik ou pèdi, tan li mouri.
Pito dlo a tonbe, kalbas la rete.
Pito dlo tonbe, kannari pa kraze.
Pito dlo yanm grate ou, pase ou nan mizè.
Pito fizi pase fòs.
Pito kèkfwa tafya pase dlo vidany.
Pito kenbe yon pye poul olye yon ti bwa.
Pito kenbe yon pye poul pase yon ti bwa.
Pito lakwa al kay lènmi.
Pito lakwa al kay zanmi; li pa al lakay ou.
Pito m mache toutouni, m gen tan.
Pito mwen wont devan Bondye, m pa wont devan lèzòm.
Pito nou lèd nou la.
Pito ou bay yon ènmi, pase ou prete nan men zanmi.
Pito ou byen razè anvi, pase wa mouri.
Pito ou chèf nan lanfè pase ou sòlda nan paradi.
Pito ou fè yon aranjman pase ou fè yon pwosè.
Pito ou fè chen byen, pase ou fè nèg byen.
Pito ou gen tikras pase pa gen menm.
Pito ou kenbe yon pye poul, ou pa kenbe yon ti bwa.
Pito ou kite po a pase vo a.
Pito ou lèd ou la.
Pito ou mache sou "pinga ou" pou ou pa pile "si m te konnen."
Pito ou mande pase ou vòlè.
Pito ou mize nan wout, ou pote bon nouvèl.
Pito ou moun razè pase ou mouri.
Pito ou pitit lakay ou, pase ou gran kay lòt.
Pito ou pòv men ou serye, pase pou ou rich men ou vòlè.
Pito ou pran sou chwal pase ou pran so bourik.
Pito ou premye pase ou dènye.
Pito ou sòlda nan paradi ou pa chèf nan lanfè.
Pito ou travay pase ou mande; mande pa vòlè.
Pito ou wè lwen ou pa avèg.
Pito ou wè twoub pase ou wè menm.
Pito pitit kriye, manman pa kriye.
Pito rele pase toufe.
Pito "sa" pase "malgre sa."
Pito ta pase janmè.
Pito vant pete pase bon manje gaspiye.
Pito yanm grate pase grangou rive.
Pito yo ba ou veye yon barik rat pase yo ba ou veye ti fi.
Pito yon bèl refi pase yon kado enpoli.
Pito yon moun moutre ou peche, li pa ba ou yon pwason chak jou lè li sòti peche.
Plant ki plante nan bon dekou pa janm pèdi nèt.
Plas leta pa zo janm.
Plase leta se chwal papa; se pou chak moun fè yon kou.
Plenn nan kè pa renmèd kò.
Plenyen pa soulaje.
Plezi a bèl lè fèt la byen pare.
Plezi pote doulè dèyè do li.
Plim mache sou papye; se men ki kenbe l men se lespri tèt ki fè l kouri sou papye a.
Plimen poul la, men pa kite l rele.
Plis bourik la ka pote, plis yo chaje l.
Plis fanm vini vye, plis yo rize.
Plis gen pouvwa, plis gen devwa.
Plis ou file yon manchèt, plis li vin koupe.
Plis pawòl pwòl pwonmennen, plis li vin pi bèl.
Plis sa chanje, plis se menm bagay.
Plis yon nonm gen byen, plis li vle.
Plizyè enpe fè yon bokou.
Po fele dire lontan.
Po kabrit la pa ase pou kouvri tanbou; Bouki ap mande moso pou l boukannen.
Po malere pa dwe pike kò li.
Po tè pa goumen ak po fè.
Po yanm fè yanm.
Po yanm pou po yanm.
Poko rele lamarye twò bèl.
Politès pa koute chè e vo anpil.
Yon ponm gate gate san.
Pote linèt pa di konn li.
Pòtoprens se tè glise.
Pòtoprens vann; li pa bay paye.
Pòtoprens, vil pòslèn, kapital fayans.
Pou chak zwazo, nich li bèl.
Pou gen rezon devan kras, fòk ou benyen toulejou.
Pou konnen laj yon fanm, gade bò tèt li.
Pou konnen laj yon gason, gade bò je li.
Pou konsève bonè ou, fòk ou kontan san pale.
Pou koupe lake chen, fòk ou twonpe l.
Pou lajan ou genyen piwèt.
Pou ou fè kòb la fè mwa a, lave l bwè dlo l.
Pou twa Ayisyen antann yo, fòk de nan yo mouri.
Pou yon plezi, mil doulè.
Pou yon pòv, yon ze vo yon bèf.
Pou yon tab byen kanpe, fòk li gen kat pye li menm longè.
Pouki ou pa pesi pawòl la, pa miyò pase si ou te bèbè.
Poul bwè dlo, li pa bliye Bondye.
Poul dou, se li ki fè onè etranje.
Poul fè malfini repwòch kou li nan kalòj.
Poul kaka atè pou sal kòk.
Poul ki bat kò l kraze ze l.
Poul ki kakaye a, se li ki ponn.
Poul ki kodase a, se li ki ponn.
Poul grate jouk li jwenn zo grann li.
Poul ki chante se li menm ki ponn.
Poul ki kakaye, se li ki ponn.
Poul kouche bonè, se pou pa gen kont.
Poul mare nan pye tab, ravèt vin fè l esplikasyon.
Poul mele ak kanna pou kouve ze yo, men li pa vle benyen ak yo.
Poul mouri sou nich li; se pou lonè li.
Poul pa chante devan kòk.
Poul pa gen rezon devan kouto.
Poul pa janm ale nan bal ak malfini.
Poul ranje ak kanna pou li kouve ze a li, men li pa vle benyen nan larivyè ak li.
Poul ti tay pa janm fè kòk kalite.
Poupou kou chen pa anyen, men se tranble pye a ki tout.
Poupou pa pikan, men lè ou pile l, ou mache bwete.
Pousyè pa leve san van.
Pousyè pye pi bon pase pousyè chita.
Pousyè pye pi bon pase pousyè dèyè.
Poutèt bèl makòmè, ou bo fiyèl bouch pyan.
Pòv pa di sòt pou sa.
Pòv pa mande djegi.
Pòvrete pa vis.
Pòvrete pa wont.
Poze an konseye pa difisil; se konèy ki nesesè.
Pozisyon pa vo bitasyon.
Pran asosye se pran mèt.
Pran devan fout anvan koumanman met pye.
Pran devan pa di anyen, se konn wout la ki tout.
Pran fanm anyen, se reskonsab fanm ki tout.
Pran ka se debon.
Pran lajan leta se pa vòlò.
Pran lè meprize lezòt pa anpeche yo meprize ou tou.
Pran pen pa manje.
Pran tan jan li vivi ak moun jan yo ye.
Pran tan koute pi fò pase pantalon gwo ble.
Pran yon vil pa vle di ou kenbe li.
Pre lakay pa di ou rive.
Prekosyon pa kapon.
Yon premye fòt mennen yon lòt.
Premye fòt pa fòt.
Premye kouche gen kabann.
Premye leve, premye chose.
Premye pa akote byen, se pa fè mal.
Premye pawòl se kaptenn zorèy.
Premye so pa so.
Prese bon, dousman bon.
Prese fè bwochi pa di ou va rive denmen.
Prese koute, pa prese pale.
Prèske pa di rive pou sa.
Prete pa bay.
Prete renmèt, achte peye fè zanmitay dire.
Prete se bay.
Prevni pi bon pase geri.
Prezidan te di l ap pare kou pou l pa tonbe nan twou.
Pridans se manman site.
Priye ak kriye pa anpeche mouri.
Priyè evite pa touye kokobe.
Priyè ranvwaye ranje moun toutouni.
Prizon fèt pou tout moun.
Prizon pa fèt pou chen; se pou kretyen vivan li fèt.
Prizon pa janm vid.
Prizon, se pou gason l fèt!
Pwa mwen, se lè li nan dyakout mwen, li pa mwen.
Pwason gen konfians nan dlo, men se dlo ki kwit li.
Pwason k ap swiv liy, yo pran yo nan zen.
Pwason ki nan basen pa konnen gen solèy deyò.
Pwason ki swiv liy toujou pran nan zen.
Pwason kraze nan bouyon, nanpwen pèt.
Pwason nan chòdyè pa pè piman.
Pwason pa janm twò piti pou fri.
Pwason pa wè dlo.
Pwason sòti nan lanmè; li di ou kayiman malad, se pou ou kwè l.
Pwason sou gri pa pe boule.
Pwason swiv kouran.
Pwason te gen konfyans nan dlo, se dlo menm ti touye l.
Pwason toujou konmanse pouri nan tèt.
Pwèl nan lestonmak pa jabotyè.
Pwofi kreve sak.
Pwomès se dèt.
Pwomèt se youn, egzekite se de.
Pyan pa respekte bounda gran mouche.
Pye bannann se fanm van, kou li soufle li kouche.
Pye bèf pou pye bèf, kay pou kay.
Pye bèf pou pye bèf, m pito achte l ka pratik.
Pye kanson l ki piti, men se granmoun ki non l.
Pye kout pran devan.
Pye nan gran chemen, chouk nan gran chemen.
Pye pa gen rasi n.
Pye feye pou rasin li.
Pye poul pi bon pase bwadan.
Pye yon moun pa ka mache pou pye yon lòt.
Yon pye poul miyò pase yon bwa dan.
Pye bwa ki pi wo di li wè lwen; grenn pwonmennen wè pi lwen pase li.
Pyebwa pa gen rasin.
Pyebwa san rasin kondane san mizerikòd.

p/start.txt · Last modified: 2024/07/17 02:17 by admin