o:start

Proverbs Starting with O

Odè manman sèlman, se yon medikaman.
Okazyon pèdi mal retwouve.
Òkèt pa di trangle.
Omlèt pa janm fèt san kase ze.
Otan domestik, otan lèmi.
Otorite se pou sèvi.
Ou abò, mwen abò; ou ap mande m sa k pase atè.
Ou achte chen pou ras.
Ou achte kochon pou ras.
Ou a fòse bourik janbe dlo, ou pap fòse li bwè dlo.
Ou ap bay yon karo tè pou yon dan krab.
Ou ap fè lafou pou pa peye dwa.
Ou ap fè m monte nan sièl pa do.
Ou ap kabicha pou manje manje noun chich.
Ou ap mande simityè si l bezwen mò!
Ou ap nwaye nan krache ou.
Ou ap pase monte, ou pa wè m; lè ou ap pase desann ou a wè m.
Ou bat tanbou epi ou danse ankò.
Ou bezwen kouto famasi; li ale nan tout bò.
Ou chita sou chwi, ou ap pale bèf mal.
Ou dwe rekonèt byen yon moun fè, menm si se lenmi ou li ye.
Ou dwe viv selon peyi ou ye.
Ou fache ak gran chemen; ki kote ou va pase?
Ou fè mwen, mwen fè ou; nanpwen mal nan sa.
Ou fè pitit, ou pa fè kè yo.
Ou fè sa ou kapab fè.
Ou fè sanblan mouri, mwen fè sanblan antere ou.
Ou fè sèkèy pou bèlmè ou; se manman ou ki antere ladann.
Ou fè timoun, men ou pa fè santiman yo.
Ou fèt ban, ou vini onèt.
Ou fèt sòt, ou mouri sòt.
Ou fin vann, ou fin achte.
Ou fòse bourik janbe dlo; ou pa fòse l bwa.
Ou gan lajan, ou gan fanm.
Ou granmoun sèlman lè ou lakay ou.
Ou grate kwi jis ou kreve l.
Ou jwe ak chen ou konnen.
Ou ka di konbe ou genyen, men ou pa ka di konbe ou rete.
Ou ka fòse bourik janbe dlo, men ou pa ka fòse l bwè dlo.
Ou ka twonpe cheve, ou pa twonpe bab.
Ou kite kabrit fin manje jaden ou, epi ou ap rele fèmen bayè.
Ou kite kadav pou al kriye bò sèkèy.
Ou kite kote kò a ye, ou al kriye kòt sèkèy.
Ou kite koulèv fin pase; se dat la ou ap chache tras li.
Ou konmande chen, chen konmande baton ke li.
Ou konn ki fanm ou kite, ou pa konn sa ou pral pran.
Ou konn kouri, men fòk ou konn kache tou.
Ou konn kouri, men ou pa konn kache.
Ou konnen ki fanm ou kite, ou pa konnen ki fanm ou pral pran.
Ou konnen sa ou ap kite; ou pa konnen sa ou pral jwenn.
Ou konnen sa ou ap kite; ou pa konnen sa ou pral pran.
Ou kouche sou po bèf la, men ou pa vle pran odè l.
Ou kouche sou po bèf la, ou ap pale l mal!
Ou kwè fasilman sa ou dezire.
Ou kwoke makout ou kote men ou rive.
Ou limen siga ou nan de bout.
Ou mande gonbo cho, ou pa kenbe l.
Ou mande gonbo cho, yo ba ou li nan plamen ou.
Ou mechan, kan ou bon pou tèt ou sèl.
Ou menm ki mete nan solèy, se ou ki pou veye lapli.
Ou mèt abiye bourik, fò ou wè zòrèy li.
Ou mèt filozòf, ou pa ka ekri oum koun koun.
Ou mèt mare zòrèy bourik, lè midi rive fòk li ranni.
Ou mèt ranni ak bourik, men ou pap janm ede l pote chay.
Ou mèt ri bourik, men ou pap ede li pote chay.
Ou mèt tande jako tripòt; li pa janm pale sa l pa wè.
Ou montre makak voye wòch, premye moun li kase tèt, se ou menm.
Ou mouri, ou mouri pou je ou.
Ou nan lanmè, ou ap joure dèyè kay kayiman.
Ou pa bay chen kanson, ou pa gen dwa veye chita l.
Ou pa bay moun grangou separe manje.
Ou pap bay menm kout manchèt nan menm mak.
Ou pa bezwen kriye lamarye twò bèl.
Ou pa bezwen monte madichon kay.
Ou pa boukannen bè san manchèt ak pèsonn.
Ou pa boukante vye chòdyè pou chòdyè nèf.
Ou pa diskite ak lavi, men ou sibi li.
Ou pa fouye zo nan kalalou.
Ou pa gen anyen pou anyen.
Ou pa gen pou bay yon pòv, men pa kraze kwi li.
Ou pa gen soulye po patat; kouman pou ou fè moute pale gouvènman?
Ou pa janm benyen nan menm larivyè a de fwa.
Ou pa janm dwe dekouvri Sen Pòl pou kouvri Sen Pyè.
Ou pa janm joure manman kayman jouk ou fin pase dlo.
Ou pa janm ka marye yon sourit ak yon chat.
Ou pa janm konnen kote dlo pase pou l antre nan bwa joumou.
Ou pa janm konnen kote dlo pase pou l antre nan kann.
Ou pa janm konnen kote dlo pase pou l antre nan kokoye.
Ou pa janm twò gran pou ou achte lonè.
Ou pa ka fè san sòt nan wòch.
Ou pa ka kouche sou nat pou ou ap pale nat mal.
Ou pa ka kouche sou po bèf pou di li santi.
Ou pa ka pran anndan chanm pou ou mete nan salon devan tout moun.
Ou pa ka touye dife ak pay.
Ou pa kapab kenbe chat, kote ki genyen pyebwa.
Ou pa kapab kenbe chat nan rakbwa.
Ou pa kapab rete pè pou mouri san batize.
Ou pa kapab sonnen e ale na pwosesyon tou.
Ou pa kapab tonbe pi wo pase tèt ou.
Ou pa ka wete trip pou mete pay.
Ou pa konn kote dlo sòti, li tonbe nan poumon.
Ou pa la, pa ou pa la.
Ou pa mande malad si l ap bwè bouyon.
Ou pa mare pye lanmò.
Ou pa pile dlo nan pilon.
Ou pa pwason; ou pat pou antre nan nas.
Ou pa rele "Fèmen baryè" lè chwal fin pase.
Ou pa riske anyen lè ou pe.
Ou pa tire rach nan panyen.
Ou pa toufe dife ak pay.
Ou pa voye bote nan panyen nan mache.
Ou pa t bay chen kanson; ou pa ka veye chita l.
Ou pèdi savon ou lè ou lave tèt nèg.
Ou poko kenbe chen; ou pa ka di l ap mouri nan chenn.
Ou poko tig, ou vle pengle.
Ou prale lakay konpè chen, ou a wè longè zòrèy li.
Ou prale nan chemen, ou tonbe nan bwa.
Ou rayi tafya, se li ki antere manman ou.
Ou rekòlte sa ou simen.
Ou rele "viv" pou sa ki fè ou viv.
Ou se kokoye, ou gen twa je, ou pa wè nan youn.
Ou se kolibri, twou ou pa fon.
Ou se mò, ou pa konn pri dra.
Ou se papiyon, mwen se lanp; ou ap toujou bezwen mwen.
Ou se poul kay; m pa bezwen mayi pou m kenbe ou.
Ou se tèt koupe ak papa ou.
Ou sonje pi souvan lenmi ou pase zanmi ou.
Ou sou do bèf la epi ou ap pale li mal.
Ou tande bèf, ale wè longè kòn li.
Ou tann chwal fin pase, ou rele "fèmen baryè."
Ou tann koulèv fin pase, ou ap rale baton.
Ou te mèt bon kavalye, zannimo ou te mèt byen sele, depi ou tande li pran ponpe, fòk kanmenm ou tonbe.
Ou toujou sone sa ou ta vle bliye.
Ou vin avi depi ou anba tè.
Ou vle chat pa kenbe ou, pa vle li pwòche bò chanm ou.
Ou vle tout, ou pèdi tout.
Ou voye yon krache sou mwen, krache mwen ap tonbe sou ou.
Ou wè chen mete dan li deyò, li fè grimas, pa kwè li kontan.
Ou wè jodi; ou pa konn demen.
Ou wè lasi nan je lòt, ou pa wè lasi ki nan je pa ou.
Ou wè mare chwal, mare bourik pi rèd.
Ou wè sa ou genyen; ou pa konn sa ou rete.
Oungan ba ou pwen; li voye ou kanpe nan kafou a minwit, men li pa voye ou monte kokoye ak soulye.
Oungan ba ou pwen, men li pa di ou al mache nan nwit.
Oungan ba ou pwen, men li pa di ou al dòmi nan kalfou.
Oungan pa janm gèri maleng li.
Oungan se magazen; li genyen anpil machandiz.
Ouvriye vann zouti l, men l pa vann metye l.

o/start.txt · Last modified: 2024/07/17 02:22 by admin