n:start

Proverbs Starting with N

Naje pou sòti!
Nan afè sa a, si ou pa pote, ou ap trennen.
Nan barik chabon yo wete farin Frans.
Nan bay kout men, ou jwenn kout pye.
Nan benyen toutouni, nanpwen kache lonbrit.
Nan bezwen yo konnen zanmi.
Nan chandèl, kabrit sanble tifi.
Nan chemen glise, kabrit trennen vye moun, fè yo tonbe.
Nan chemen jennen, kabrit trennen bèf.
Nan chemen jennen, yo kenbe chwal malen.
Nan chemen long, yon pay lou pou pote.
Nan chemen lonje dwèt, souflèt pa lwen.
Nan chemen moun pase, zèb pa pouse.
Nan dinen malfini ou manje koulèv.
Nan dizèt, patat blanch pa gen po.
Nan fè bren moun pè bri rat.
Nan festen chen chatre, chat pa mele.
Nan Ginen bourik kouri pase chwal.
Nan goumen, grafonyen se kout zong.
Nan gran maladi, gran renmèd.
Nan jide pote ou ka tounen bèt chay.
Nan yon kalbas, se de kwi ki genyen, pa plis.
Nan kay ki genyen, yo pa mal pou manje.
Nan yon kè ki gen plas pou anpil moun, pa gen plas pou yon sèl.
Nan konpayi diri, ti wòch goute grès.
Nan koup miyò pase apye.
Nan kouri, sonje bouke.
Nan kwit manje, tout engredyan konte.
Nan mal, nan mal nèt.
Nan mare lantiray, timoun kale granmoun.
Nan men revandèz, nanpwen wont mande degi.
Nan mitan avèg, bòy se wa.
Nan mitan diri, ti wòch goute grès.
Nan mitan gwo, piti pa grandi.
Nan move pa kabrit trennen bèf.
Nan move tan, kabrit kenz kòb rale yon nonm.
Nan move tan, ponyèt siye men.
Nan nwit, tout chat gri.
Nan peyi Dayiti moun pa manje sou moun.
Nan peyi Dayiti pito ou gen lajan, ou pa gen lespri.
Nan pi gran zafè, fò ou di "houn," moun ki brav pa pale anpil.
Nan pilon nanpwen kanmarad; nan asyèt gen kanmarad.
Nan pwason gen chè, gen zo tou.
Nan simityè, nanpwen zonbi; si ou pè, se lide ou fè.
Nan tan dizèt, lanmori se vyann.
Nan tan grangou, patat pa gen po.
Nan tan lapli, pa fè m sèvi padsi.
Nan ti kouri, fanm kenbe tete; nan gran kouri, li lage yo.
Nan ti zafè ou babye, nan gwo zafè ou ebete.
Nan twòp espwa, dezespwa.
Nan twòp piwèt, lougawou kite jou bare l.
Nan zafè lafanmi, etranje pa mele.
Nanpwen anyen ki vo lakay.
Nanpwen anyen yo pa kritike.
Nanpwen bèl prizon.
Nanpwen bwa zandolit pap moute.
Nanpwen cho ki pa vin frèt.
Nanpwen chòdyè pou bouyi move fanm.
Nanpwen chòdyè pou bouyi move fanmi.
Nanpwen fèt san denmen.
Nanpwen glas solèy pa fonn.
Nanpwen kafe ki pa gen triyaj li.
Nanpwen kavalye ki pa janm tonbe.
Nanpwen kòb, nanpwen manje.
Nanpwen konpayi ki pa separe.
Nanpwen lajan, nanpwen fanm.
Nanpwen lanmilèt san kase ze.
Nanpwen lapriye ki pa gen amèn.
Nanpwen latrin ki pa gen marengwen.
Nanpwen lèt ki moute l pa desann.
Nanpwen maladi ki pa gen remèd.
Nanpwen manman san papa.
Nanpwen metye k pa nouri mèt li.
Nanpwen mòn ki pa gen chemen koupe.
Nanpwen moun ki konnen sa ki pann nan bout nen li.
Nanpwen moun soud kon sa ki pa vle tande.
Nanpwen pen san ledven.
Nanpwen renmen ki pa mande kite.
Nanpwen rezistans devan lafòs.
Nanpwen sòt ankò; sa ki sòt peye sotiz yo.
Nanpwen ti fontenn ou pa bwè fasil.
Nanpwen ti metye ki pa nouri mèt li.
Nanpwen tonbe ki pa leve.
Nanpwen toro pase toro.
Nanpwen twal san lizyè.
Nanpwen vye gason pou fanm.
Nanpwen woz san pikan.
Nèg alèkile gen je nan vant.
Nèg ap twonpe nèg depi nan Ginen.
Nèg Dayiti va kache ou pawòl.
Nèg di san fè; Bondye fè san di.
Nèg fè, nèg defè.
Nèg fè lide l, Bondye ba l dwa.
Nèg ki sou mank se kaliko. Li pa gen lanvè ni landwat.
Nèg konsekan se kayimit. Li mi sou pye, li pa tonbe.
Nèg lespri bati kay sou wòch, men nèg sòt bati sou sab.
Nèg li nan liv, li kwè l fò.
Nèg mande wè.
Nèg pa janm kontan sò yo.
Nèg pa pè nèg.
Nèg pa, se dra blan.
Nèg pa, se ranpa.
Nèg pa vle nèg fè byen.
Nèg pa vle wè nèg parèy li.
Nèg rayi nèg depi nan Ginen.
Nèg renmen bannann; yo pa rayi pen.
Nèg rich ki konnen li e ekri, se milat. Milat pòv ki pa konnen li ni ekri, se nèg.
Nèg rich se milat, milat pòv se nèg.
Nèg se krab malzòrèy; kon ou vle lage li, li vle mòde ou.
Nèg sòt ak manchèt ki pa koupe se menm bagay.
Nèg sòt bouyi aran sèl; li mete sèl ladan l.
Nèg sòt gade priyè jouk li jou.
Nèg sòt kwoke makout li pi wo pase men li.
Nèg sòt kwoke makout li yon wotè nèg lespri pa ka dekwoke l.
Nèg sòt mare chwal li nan tèt falèz, nèg lespri mare chwal li nan tèt platon.
Nèg sòt mare chwal li, nèg lespri pa ka lage l.
Nèg sòt monte chwal li devan dèyè.
Nèg sòt pa touye ou, men li fè ou swe.
Nèg sòt se chwal malintespri.
Nèg sòt se evènman.
Nèg sòt, se nan pye li mare bourik li.
Nèg sòt travay pou l swe.
Nèg vanyan pa rete an plas.
Neglijans mèt kay ranm chat volè.
Nen pran kou; je kouri dlo.
Nesesite pa konn bon ras.
Nesesite trennen obligasyon.
Neye nan dlo pa anyen; se retire ou ki pwoblèm lan.
Nonm sa a mouri; se santi, li poko santi.
Nonm sa a, ou ka intelijan tankou l; pase l, non!
Nonm sa a pi rèd pase kouto de bò.
Nonm sa a se Mouch Pa Poze.
Nou chanje kazak pou moun ki swe pou nou.
Nou di 'bonjou,' men nou pa bo pou sa.
Nou konnen nou pa konnen.
Nou manje lajan chango, fò ou peye chango.
Nou mouri toulejou.
Nou pa bezwen rich ni nou pa bezwen pòv.
Nou pa mande pitit sanble papa l, nou mande erèz kouch.
Nou pa nan tan yo te konn mare chen ak longanis.
Nou se kaymit; nou mi sou pye, men nou pa janm tonbe.
Nou tout bwè dlo, men chak moun koupe kouran pou kont li.
Nou vann nan manman kwi, pou n achte nan tèt kwi.
Nou wè jodi, nou pa konnen denmen.

n/start.txt · Last modified: 2024/07/17 02:27 by admin