m:start

Proverbs Starting with M

Mabouya manje kann, zandolit mouri inosan.
Mabouya pa janm gen rezon devan poul.
Machandiz yo ofri pa gen pri, men machandiz yo mande vann tèt nèg.
Machann lèt se rizèz.
Machann nan mache gen de mèzi.
Mache bobis pa di konnen danse.
Mache bwòde pa di ou konn danse.
Mache chache pa janm dòmi san soupe.
Mache dousman, pòte bon nouvèl.
Mache dousman pou kab manje moun chich.
Mache dousman pou manje manje moun rich.
Mache dousman pou pa pile pye si ou te konnen.
Mache fè ou konnen.
Mache nan oto ou, men meprize kabwèt mwen.
Mache piti piti; ou a manje manje moun chich.
Mache piti piti; ou a tande lapriyè jouda.
Mache pou ryen, chita pou ryen; mwen pito mache.
Mache prese pa di rive byen pou sa.
Mache prese pa fè jou louvri.
Mache sou piga ou pou ou pa pile si m te konnen.
Mache sou trèz pou pa pile katòz.
Mache tèt atè pa di pa wè, men se pou pousyè pa tonbe nan je ou.
Machwa gouye, grangou sove.
Machwa poul piti, men toujou gen plas pou ba yo souflèt.
Machwè brannen, grangou tchoule.
Madanm ou lèd, se pa ou li ye.
Madichon granmoun pi rèd pase lanfè.
Madichon granmoun pi rèd pase wanga oungan kivèt makwèt.
Madichon koukou pa touye frize, men li degrese l.
Madichon ou bay bèlmè ou, se manman ou li rive.
Madichon pa pè nan nwit.
Majò jon pote de (2) gwo zepolèt san do li, men li pa kolonèl pou sa.
Makak di je li se gad kò li.
Makak di wi fanm li lèd, men se pa l; pa ou bèl, ou esklav li.
Makak di sa ki anba zong li se pou li.
Makak karese pitit li jouk li kase ke l.
Makak karese pitit li jouk li touye l.
Makak karese pitit li twòp, li pete je l.
Makak ki sou pa dòmi devan pòt chen.
Makak konnen ki pyebwa li ka monte.
Makak mande swe, Bondye mete chen deyè li.
Makak pa janm kwè pitit li lèd.
Makak pa janm twò vye pou li voye wòch.
Makak pa jwe ak tig.
Makak pa moute de (2) fwa nan akasya.
Makak ranje je pitit li jistan li pete l.
Makak sou pa dòmi devan pòt kay chen.
Makak sou pa janm tonbe devan pòt kay mèt li.
Makak te mèt abiye, fòk ke li parèt.
Makak tèlman pa gen memwa, li siye dèyè li ak ke li avan li kaka.
Makdonal ki makdonal te pran midi.
Maklouklou fè sòt; li touye mèt li, men li pete anvan l.
Makonmè Krikèt, si m pa di ou, ki jan pou ou fè konnen?
Mal antant fè kont.
Mal fè gen regleman pa l.
Mal kè mouch, li kaka nan vyann, men li pa manje l.
Mal kou kòdenn mal, li pa dòmi sou bwa pitimi.
Mal me ranje jen.
Mal pa gen merit.
Mal pliye, chifonnen.
Mal sele ka foule.
Mal tande fè kont.
Maladi gate vanyan.
Maladi kache pa jwenn renmèd.
Maladi kanmarad pa anpeche kanmarad dòmi.
Maladi pa fèt pou pyebwa.
Maladi pa konn bon.
Maladi pa konnen vanyan.
Maladi pa tonbe sou pyebwa.
Maladi pran bouyon.
Maladi ranje doktè.
Maladi vini achwal, li tounen apye.
Maladi vin sou chwal, li tounen sou bourik.
Maladi vini a cheval, li sòti kite ou apye.
Maladi vini a cheval, li sòti kite ou sou bourik.
Maladi zanmi pa anpeche zanmi dòmi.
Maldjòk papa pa janm geri.
Malè nèg Dayiti sere nan pòch dèyè yo; yo mete pa lòt nan pòch devan yo.
Malè ou swete pou bèlmè, se manman ou li rive.
Malè pa gen klaksonn.
Yon malè pa janm vini sèl.
Malè pa ka chanje kon lapli.
Malè pa mal pou rive.
Malè pou moun ki fè yon lòt konfyans.
Malè pou moun ki mete konfyans yo nan moun.
Malè rann defyan.
Malè youn bonè lòt.
Malè youn malè lòt.
Maleng java dèyè nwakou chen pa geri fasil.
Maleng pa janm santi pou mèt li.
Malere frekan pase grannèg.
Malere pa bwòde.
Malere pa defo.
Malere pa dezonè.
Malere pa janm gen rezon devan grannèg.
Malere pa nan bwòdè.
Malere pa peche.
Malere pa vye chen.
Malere se chen.
Malere se dan devan.
Malere se defo.
Malere se krim.
Malere se vis.
Malere toujou bouke; gran nèg toujou nan vakans.
Malere vòlè; gran nèg pèdi lajan.
Malfini manke ou, li pa bliye ou.
Malfini manke poul; li pran pay.
Malfini pa ale nan lagè, plim li ale.
Malfini pa ka jwenn poul, li jwenn pay, li pran l.
Malfini pou grann, poul pou grann.
Malgre anpil sèvo yon moun ka fè, ou ka sentre l kote li pa te kwè.
Malsite pa konn bon ras.
Maltande fè de vwayaj.
Mande granmoun sa l manje, pa mande l sa l konnen.
Mande miyò pase vòlò.
Mande vakabon sa l manje; pa mande l sa l konnen.
Manje anpil pa di dijere byen.
Manje ap gaspiye devan chen mare; chen lage pa jwenn li.
Manje bèlmè, se manje repwòch.
Manje dan ou, di priyè ou.
Manje dòb ou, men pa jete pousyè nan pwa mwen.
Manje kay bon zanmi, dòmi kay move fanm.
Manje kay moun pa janm plen vant ou.
Manje ki bon konn touye mèt li.
Manje ki gou nan bouch ou, se li ki ka gonfle ou.
Manje ki pa fin manje aswè toujou rete pou denmen.
Manje kwit pa gen mèt.
Manje ou pa ka manje, se li k donnen nan jaden ou.
Manje ou pi renmen, se li k gonfle ou.
Manje ou pi renmen, se li k touye ou.
Manje ou pi renmen, se li k trangle ou.
Manje ou plis renmen, se li menm ki va trangle ou.
Manje piti, travay anpil.
Manje pitimi jan ou kapab, se pa pase jako mawon.
Manje pou viv, pa viv pou manje.
Manje pwa, kaka lapire.
Manje se rasin kò moun.
Manje vyann, souse zo.
Manjè ze pa konn doulè manman poul.
Manke kwit sove, konsonmen pri.
Manman chen pa janm mòde pitit li jouk nan zo.
Manman jako pa janm beke pitit li jis nan zo.
Manman pa janm mode pitit li jouk nan zo.
Manman pitit di: patat la chè; grandou di: se bobin.
Manman poul grate jouk li twouve zo grann li.
Manman poul ki gen yon sèl pitit pa gen pitit.
Manman poul mouri sou nich li, se pou lonè l.
Manman se pye bannann, tout fèy li yo ap vin mouri nan pye l.
Manmzèl konn lave kòb, li bwè dlo a.
Manmzèl pa pitimi san gadò.
Manti ale pi vit pase verite.
Manti kouri santan, verite kenbe l yon jou.
Manti la pou yon tan, verite la pou toutan.
Manti mèt kouri jan l vle, laverite ap toujou kenbe l.
Manyòk pa labapen.
Mapou tonbe, kabrit manje fèy li.
Marengwen ape vole, ou pa konnen si mal oubyen femèl.
Marengwen bezwen ale lasalin, tout ti van pote l ale.
Marengwen danse, men l pa bliye janm li.
Marengwen mòde ou sou nen, men ou pa ka ba l kou fò.
Marengwen pa janm vle tande li mèg.
Marengwen te bezwen van pou ale Lagonav.
Marengwen vole, ou pa konn sa k mal sa k femèl.
Maryaj gen dan, tèt chaje apre.
Maryaj pa di renmen pou sa.
Maryaj pa vwayaj.
Maryaj san benediksyon pa bon menm.
Marye ak yon fi pa anyen; se reskonsab li ki tout.
Marye bon, marye pa bon.
Marye gen dan.
Marye pou marye pa bon.
Matla fè banda, men dra kouvri l.
Matla te di plis pase sa a, epi li kite payas monte l.
Matlasye fè matla, li dòmi atè.
Matlòt pa bon, men li itil.
Matlòt se rat.
Mawodèm pa pay.
Mayi kale pa kwoke.
Medizans se manje zòrèy.
Mefye dlo k ap dòmi.
Mèg kou kòdenn mèg, li pa dòmi sou bwa pitimi.
Memwa granmoun se bwèt sekrè.
Memwa se paswa.
Memwa se tiwa lespri.
Men ale, men vini fè zanmi dire.
Men anpil, chay pa lou.
Men anpil, travay mache.
Men blan pa gan.
Men dwat lave men gòch, men gòch lave men dwat.
Men ki bay pi wo pase men ki pran.
Men ki bay, se men ki resevwa.
Men kontre chay pa lou.
Yon men lave lòt, men se de men k lave figi.
Men nan lanmen, annou sove peyi nou an.
Men nan men nou ka rive.
Men non se lizaj; non mèsi se deliverans.
Men pòk pa trese sak pay.
Men pòv se bous Bondye.
Men pwont fè tout.
Menm baton ki bat chen nwa a ap bat chen blan an.
Menm boulèt, dlo trennen yo; kalbas vid, sa ou kwè ou te ye?
Menm lè li pote relik, bourik se toujou bourik.
Menm lè pawòl di nan zòrèy, yo ka rezonnen lwen.
Menm nan lanfè gen gras.
Menm nan lanfè gen moun pa.
Menm nan lanfè gen paradi.
Menm nan syèl gen moun pa.
Menm si kò granmoun ap fennen nan lanmizè, pawòl li se lò.
Menm si yon twal twò piti pou ou, depi ou taye l, fò gen retay.
Menm sou wòch ki pi di, dou ka wè bè flè pouse.
Menm wòch kouran pote, kisa n a di pou pay.
Mennen koulèv lekòl pa anyen, se fè l chita sou ban ki rèd.
Meprize lezòt pa anpeche yo meprize ou tou.
Meprize vo mye pase reponn.
Merite pa mande.
Mèt a koze peye senk kòb, anchaje peye vennkat kalen.
Mèt afè chape, temwen mouri.
Mèt chen kenbe bò tèt.
Mèt chen kenbe chen.
Mèt do pa grate do.
Mèt kabrit mande kabrit; ou pa ka di li plenn.
Mèt kabrit mande kabrit, plenn pa plenn, fòk ou remèt li.
Mèt kadav kenbe bò tèt.
Mèt kannari se mèt dlo.
Mèt kay dòmi deyò.
Mèt kay kòmande domestik, domestik kòmande chen, chen kòmande baton ke li.
Mèt kay manje panno kay.
Mèt kò pa grate kò.
Mèt kò veye kò.
Mete ajenou pa anyen, se kondisyon lapriyè ki tout.
Mete ajenou pa difisil, se konn di lapriyè ki konte.
Mete chat veye mantèg.
Mete pye ou sou chat, ou a konnen si li gen grif.
Mete pye ou sou chen, ou a konnen si li konn mòde.
Mete zwazo nan kalòj pa vle di l a mouri ladann.
Metye nwi moun pa bay zanmi.
Metye ou konnen, se li ki ba ou manje.
Metye ou konnen, se li pou ou fè.
Meyè gad kò se je.
Meyè linèt se je.
Mezi bouji ou, mezi priyè ou.
Mezi lajan ou, mezi wanga ou.
Mezire avan ou koupe.
Mikwòb pa touye nèg.
Mikwòb pou pete fyèl yon Ayisyen pako fèt.
Milèt pa janm tounen chwal.
Milat pòv se nèg; nèg rich se milat.
Milat se pitit frèt ak pay.
Min ki vann machandiz la, se pa li ki ranmanse lajan an.
Ministè finans gen dan.
Ministè pa byen propriyete pèsonn.
Yon miray pa janm swe lwil.
Mire bon pase tande.
Mizè pap fè m rele chen 'bòpè' pou zo.
Mò pa konnen pri dra.
Mò pa pè sèkèy.
Mòn pa kapab kontre; moun kapab kontre.
Monchè, wè pa wè, n ap bat.
Monte nan vwati pa di moun rich pou sa.
Moso Bondye, moso solokoto.
Mouch la pa bezwen vyann lan, men l gate l.
Mouch pa antre nan bouch fèmen.
Mouch te viv anvan chwal te gen do maleng.
Moulen manje sou dan li genyen.
Moun afre wont.
Moun ap kache ou manje; men yo pap kache ou pawòl.
Moun chich kriye de (2) fwa.
Moun chich manje yon bèf yon sèl fwa; moun onèt manje bèf tout tan.
Moun chich toujou renmen bagay moun.
Moun di l ap fè, men se Bondye ki fè vre.
Yon moun dwa toujou pran yon avantaj yo ba li.
Moun fèt pou mouri.
Moun fèt pou soufri.
Moun fou genyen chanm pou lwe nan tèt.
Moun fou, se yo souvan ki saj.
Moun gaya pa bezwen dòktè.
Moun Gonayiv di: "Sa n ap fè, se li n ap okipe."
Moun grangou pa ka tande.
Moun je bòy ki prale Jakmèl konnen yo genyen moun ak yo.
Moun kay konnen brèch pi byen pase moun deyò.
Moun ki ale dousman rive kanmenm.
Moun ki ankouraje ou achte chwal nan bon tan pa ede ou swen l nan move tan.
Moun ki ap fè mal pa konn mache nan limyè.
Moun ki ap vann toujou byen vann; se moun ki achte ki mal achte.
Moun ki ap viv ak kè kontan okipe toutan.
Moun ki bezwen deyò, chache chemen pòt.
Moun ki byen pa bezwen doktè.
Moun ki di "Men koulèv la" plis koupab pase moun ki koupe tèt koulèv la.
Moun ki di "Men koulèv la," se li k touye l.
Moun ki di ou mete sèl nan solèy, pa ede ou wete l lè gen lapli.
Moun ki dòmi ak Jan, se li ki konnen wonf Jan.
Moun ki ede ou achte chwal gwo vant pa ede ou ba l manje nan sezon sèk.
Moun ki ede ou achte chwal nan tan lapli, nan tan sèk li pa ede ou nouri l.
Moun ki genyen fi genyen bofi.
Moun ki genyen mayi nan solèy, se li ki veye lapli.
Moun ki gen mayi nan solèy, se li ki pou veye poul.
Moun ki gen nen, se li k santi.
Moun ki gen teny pa renmen peny.
Moun ki jwenn bon fanm jwenn bonè.
Moun ki kenbe chòdyè, se li ki konnen si l cho.
Moun ki kenbe kiyè bwa a, se li k konnen si l cho.
Moun ki konn danse, se nan fent ou pran li.
Yon moun ki kwè li pap janm bezwen moun, se yon moun fou; moun ki kwè moun ap toujou bezwen li pi fou toujou.
Moun ki limen chandèl yo a midi piske wè nwa nan nwit.
Moun ki mache nan nwit, se li ki kontre ak djab.
Moun ki mache tèt toutouni, se lè solèy cho ou wè si yo gen pou.
Moun ki manje pwa, se li ki dwe kaka pwa.
Moun ki manke tout bagay genyen ankò chimè.
Moun ki mete sèl nan solèy, se li k veye lapli.
Moun ki niche siwo myèl sou pikan peye li twò chè.
Moun ki ofanse ou pa janm padonnen.
Moun ki pa difisil twouve azil.
Moun ki pa fè anyen, se tankou dlo dòmi.
Moun ki pa kriye pa bezwen tete.
Moun ki pa manje pou kò l pa janm grangou.
Moun ki pap peye toujou ap achte kredi.
Moun ki pa travay, se poul dèyè makout.
Moun ki pè bat tanbou ak dan.
Moun ki pi ere se moun ki pi okipe.
Moun ki pi kontan se moun ki pi okipe.
Moun ki pran kou, se li ki pare kou.
Moun ki pran traka dwe pran plezi.
Moun ki renmen goumen toujou pran kou.
Moun ki rich pote yon dra sèlman.
Moun ki simen van ap rekòlte tanptèt.
Moun ki sonje bliye, sonje.
Moun ki swe pou ou, se pou li ou chanje chemiz.
Moun ki swe pou ou, se pou li ou tòde chemiz ou.
Moun ki vakabon pi fò pase leta.
Moun ki vizite ou souvan, se pa zanmi ou pou sa a.
Moun ki vle fè byen toujou jwenn antrav.
Moun ki vle fè byen toujou kontrarye.
Moun ki vle konnen pri ti sale, se nan mache li ale.
Moun ki won pa kapab vini kare.
Moun konnen sa k ap bouyi nan kannari li.
Moun lajan marye kote ki gen lajan.
Moun lavil kòm nan mòn, se sou tè a li ye.
Moun lespri kouvri tanbou, sòt bat li.
Moun lespri pa viv si pa gen moun sòt.
Moun lespri voye sòt nan mache, sòt twonpe moun lespri.
Moun malere pa janm kache pawòl yo ant yo.
Moun mouri gen tò.
Moun mouri pa konnen pri sèkèy.
Moun mouri pa konn valè dra blan.
Moun mouri pa pè santi.
Moun onèt pa pote make.
Moun ou konnen lajounen, nan fènwa, ou pa bezwen chandèl pou rekonnèt li.
Yon moun pa dwe koupe zèb anba pye lòt moun.
Moun pa konn achte chat nan sak.
Yon moun pa janm mouri avan lè l.
Moun pa se dra.
Moun pi bon pase lajan.
Moun pòv bay dejnen nan kè.
Moun pòv pa gen zanmi.
Moun pòv pa kapab malad.
Moun rezonnab pa pote mak.
Moun sa yo se Kòkòt ak Figawo.
Moun sa yo, se lèt ak sitwon.
Moun saf fè fòs yo ak dan yo.
Moun se apranti, se soufrans ki bòs la; pèsonn pap janm rive konnen tèt li si l pa soufri toutbonvre.
Moun sèvi ou, men yo pa chen ou pou sa a.
Moun sòt di: m bwè tafya, men m pa bwè nan nen pou sa a.
Moun sòt di sa li konnen, moun lespri konnen sa li di.
Moun sòt pale; konnen ki konnen.
Moun sòt se Bondye ki fè yo.
Moun sòt se levenman.
Moun sou toujou konnen chemen lakay.
Moun ti tay fè twò gwo non nan pawòl yo.
Moun toutouni travay pou sa yo ki gen yon fèy rezen.
Moun va kache ou manje, men li pap kache pawòl.
Moun wouj pa flaman.
Mouri kò ou, pou ou ka manje manje moun chich.
Mountre dan blanch pa di mwen pito ou.
Moutre makak voye wòch, li kase tèt ou.
Mountre makak voye wòch, premye tèt li kase, se pa ou.
Move afè pa gen mèt.
Yon move antant pi bon pase yon bon pwosè.
Move egzanp pa mal pou swiv.
Move nouvèl toujou vre.
Move pawòl dekwoke balon.
Move pitit sèvi nan move jou.
Move tanbou miyò pase bat men.
Move zafè pa janm gen mèt.
Move zèb ka leve toupatou.
Move zèb pouse toujou.
Msye ap benyen chen.
Msye ap boukannen dlo.
Msye gen dèyè.
Msye pa konn non chen l.
Msye pran bal li ofon.
Msye se yon kouto de bò.
Mwen abò, ou abò, epi ou ap mande m sa k ap pase atè.
Mwen ap janbe ou dlo, ou di m ou ap pile pwason.
Mwen ba ou lasal, ou ap mande salon.
Mwen byen sangle, m pap foule.
Mwen fin mouri, m pa pè santi.
Mwen kenbe chen m, kenbe baton ou.
Mwen konnen fè ak m a fè tou se de bagay diferan.
Mwen manke chen, m pran chat, se bèt kat pat toujou.
Mwen mete l devan, pou m wè mach li.
M ap pote ou sou do m; ou pa ka di m ou pile tete.
Mwen pa janm bay chen kanson, mwen menm.
Mwen pa janm rele chat bopè pou moso zaboka.
Mwen pa ka legliz pou m mouri chwal.
Mwen pa ka pran te pou lafyèv li.
Mwen pa manje pwa, mwen pa tata pwa.
Mwen pa manje pwa, m pap kaka pwa.
Mwen pa pi mal.
Mwen pa pote mimi bay makout.
Mwen pa renmen pantouf apre lapwomnad.
Mwen pap kwoke makout mwen twò wo, kote men m pa ka rive.
Mwen pap rele chen 'papa' pou zo.
Mwen pap soti nan zòtèy pou m al nan talon.
Mwen pat manje pwa, m pa ka poupou pwa.
Mwen pran Dye san konfès.
Mwen se kaka bèf, anwo m chèch, anba m mouye.
Mwen se moun ki pa gen dlo nan bouch mwen.
Mwen pote ou sou do m epi ou di ou pile pwason.
Mwen se kiyè bwa, m pa pè chalè.
Mwen se zèb able. Ou pa ka konnen sa ki nan kè m.
Mwen tande bagay la nan teledjòl.
Mwen te genyen pa alamòd. Se mwen gen ki alamòd.
Mwen vin bwè lèt, mwen pa vin konte ti bèf.
Mwen vin tire bèf, mwen pa vin konte vo.
Mwen voye dlo, men mwen pa mouye pèsonn.
Mwend akasan, siro!
Mwens chans, mwens pis.
Mwens yo panse, plis yo pale.
Myèl sansib pou siwo yo.

m/start.txt · Last modified: 2024/07/17 02:45 by admin