l:start

Proverbs Starting with L

Labi mwàn pa fè ou mwàn.
Labonte krapo fè l mouri san dèyè.
Labou bouche kouran.
Labou glise, men solèy cheche l.
Labou nan pye pa bòt.
Labou rete kouran.
Labou vini di nan dife, lò vini mou.
Labouyi cho pa manje ak dwèt.
Labouyi cho, se sou kote ou manje l.
Labouyi lanmidon fèt nan kwi.
Lafanmi sanble, sanble nanpwen Ginen ankò.
Lafimen pa janm leve san dife.
Lafimen pa janm met mèt kay deyò.
Lage chat, kenbe rat.
Lage mimi, kenbe makou.
Lagè avèti pa touye kokobe.
Lago zonbi nan bwa.
Lajan al kay lajan.
Lajan ale kote gen lajan.
Lajan bon, kretyen bon.
Lajan bon, zanmi bon.
Lajan di verite.
Lajan engra pase moun.
Lajan fè chen danse.
Lajan fè lòm, e lòm fè lajan.
Lajan fè moun pa konn moun.
Lajan fè nèg monte maswife.
Lajan fè ti moun radi.
Lajan fè ti nèg fè tenten.
Lajan fèt pou konte.
Lajan fritay pa dòmi deyò.
Lajan kache dire lontan.
Lajan kase wòch.
Lajan Leta se dodomeya.
Lajan malaki pa pwofite.
Lajan nan pòch pa fè pitit.
Lajan pa fè boul nan pòch malere.
Lajan pa fè mounen nan pòch malere.
Lajan pa fè moun, men lajan itil.
Lajan pa gen odè.
Lajan pa janm al kay gangan pou l tounen.
Lajan pa janm ale lavil pou li tounen.
Lajan pa janm ase pou fanm.
Lajan pa janm vye.
Lajan pa vini sèl, fò ou ale chache l.
Lajan ra kou dan poul.
Lajan rele lajan.
Lajan rele pe djòl.
Lajan renmen lajan.
Lajan se bagay ki engra.
Lajan se lespri pou moun ki pa genyen.
Lajan se lespri pou tout moun.
Lajan se respè.
Lajan se san.
Lajan se tifi; li pa fèt pou dòmi deyò.
Lajan sere pa fè pitit.
Lajan vini, lajan ale.
Lajan won, fòk li woule.
Lajounen ou se ti bèf, lannwit ou se tig.
Lakansyèl pa riban.
Lakay kanmarad pa nan mache.
Lakay se lakay.
Lakay vwazinaj pa nan mache.
Lakayè bwè, Lagonav sou.
Lakou san timoun, se yon lakou san lajwa.
Lalin fè banda jis li jou.
Lalin klè kou lalin klè, lajounen pran devan l.
Lalin klere pou tout moun.
Lalin pa janm chanje katye.
Lalin pa solèy.
Lamitye pa konnen dèyè fènnen.
Lamitye pa mache ak bri.
Lamitye yon manman pi fre pase yon vè dlo glase.
Lamizè bare bourik, li kouri pase chwal.
Lamizè fè bèf manje lanman.
Lamizè fè bourik kouri pase chwal.
Lamizè yon fanm se lamizè tout fanm.
Lamizè fè chen moute kaymit.
Lamizè fè chini manje tabak.
Lamizè fè chwal angle pote makout.
Lamizè fè chwal angle pote sak pay.
Lamizè fè fanm bwè tafya pase gason.
Lamizè gate vanyan.
Lamizè ka fè makak manje piman.
Lanbisyon bay malè.
Lanbisyon touye rat.
Lang ak dan ap goumen, men yo toujou rete menm kote.
Lang ak dan pa janm pa mòde.
Lang ak dan sanble bon zanmi, yo rete nan menm kay men youn pa renmen lòt.
Lang ak levasyon se de bò yon sèl meday.
Lang fanm bale lari.
Lang fanm pa gen dimanch.
Lang file pase yon razwa.
Lang konnen goumen ak dan, men lang ap karese dan.
Lang ou pale a, se li ki kinan ou.
Lang pa lanmè, men li ka neye mèt li.
Lang se yon bon baton.
Lanmè a bèl; navige!
Lanmè a bèl; navige men fè atansyon.
Lanmè pa kenbe kras.
Lanmè pa sere kras.
Lanmilèt pa janm fè san kase ze.
Lanmò bourik ranje chen.
Lanmò gen deklarasyon, grangou pa gen deklarasyon.
Lanmò granpapa yon moun, se kout tafya yon lòt.
Lanmò kaporal ranje afè solda.
Lanmò manke ou, men li pa bliye ou.
Lanmò mankman yon nonm, se kout tafya yon lòt.
Lanmò mòde toupatou.
Lanmò pa konn rich ak pòv.
Lanmò sèjan ranje kaporal.
Lanmò ti bourik ranje chen.
Lanmò toujou enprevi.
Lanmò yon moun, se kout tafya lòt.
Lanmori pa gen jou.
Lanmou chen se lagè.
Lanmou pa konn dèyè bounda pyese.
Lanmou pa konn dèyè pantalon pyese.
Lanmou padonnen tout, lògè anyen.
Lanmou se plezi; lonè se devwa.
Lanmou vire tèt.
Lanme pase toujou pi bon.
Lannwit long pou moun k ap soufri.
Lannwit pa lajounen.
Lanp pa limen san mèch.
Lantèman brav pase devan kay kapon.
Lantouray gen zòrèy.
Lapalans pa di panse.
Lapard lage, chak bourik al ranni nan patay yo.
Laparans toujou twonpe.
Lapenn pa dire santan.
Lapenn yon fanm se pou tout fanm.
Lapli pa touye fòs piman.
Lapli te tonbe pase sa; tè te bwè l.
Lapound pa janm sèvi de fwa.
Lapriyè se renmèd pòv malerez.
Larezon pa pou lafanmi.
Lari a se lari leta.
Lari a se salon pèp la.
Larim pa moustach.
Larivyè anpeche ou janbe, li pa anpeche ou tounen.
Larivyè avèti pa touye kokobe.
Larivyè Bondye koule pou tout moun.
Larivyè pa janbe twou.
Larivyè pa janm gwosi san li pa twouble.
Lasante se pi gwo richès.
Lasante se trezò.
Latanyen fè fèy, se pou bay dèyè l frechè.
Lavalas fèt, li pa bouche gòj krapo.
Lavalas pa janm brote sa Bondye sere pou ou.
Lavalas pase, li pa enpoze krapo kriye.
Lavalas swen kouran.
Lave manman kòchon an, l ap woule nan labou ankò.
Lave men, siye atè.
Laverite ofanse.
Laverite se tankou lwil, li toujou anlè.
Lavi gen de tete: yon tete dous, yon tete anmè.
Lavi gen yon sèl pòt, lanmò gen san.
Lavi di ou "ann ale," men ou pa konn kote l ap mennen ou.
Lavi gen yon sèl tete; si ou ap tete, kenbe l fèm.
Lavi long se plis lespri.
Lavi long se rezèvwa sajès.
Lavi malere se mistè.
Lavi a nan vwayaj penitans gen jou l.
Lavi pa vèbal.
Lavi pase kon yon flonn.
Lavi pi fò pase lanmò.
Lavi se boukante mizè pou traka.
Lavi se grenn chen, se dèyè li gade.
Lavi se kòd sapat; ou pa ka konte sou li.
Lavi se yon boul; l ap roule, ou pa konnen kote l ap rete.
Lavi se yon otomobil san volan ba direksyon.
Lavi se mistè.
Lavi se yon pantalon defouke san bretèl; sa se lavi an Ayiti.
Lavil ak deyò pa menm.
Lavwa pòv yo, se tankou yon klòch an bwa.
Lavyeyès fè granpapa bliye vanyan l.
Lawont lou pase yon sak sèl.
Lawouze di li bòzò, men se tout tan solèy pa leve.
Lawouze fè banda toutan solèy pa leve.
Lawouze klere nan solèy; li pa grenn dyaman pou sa.
Lawouze pa pèl; pa seye fè bijou avè l.
Lawouze taye banda toutan solèy poko leve.
Lè afè nèg bon, ou pa tande bri li.
Lè barrye a ba, tòti pase an wo.
Lè bab kamarad ou pran dife, fò ou mete pa ou a latranp.
Lè bouch fèmen, mouch pa antre.
Lè Bouki t ap moute m pa t konnen; se pa lèl ap desann pou l di mwen pote nechèl.
Lè bourik ou bon, ou pa moute l jouk nan kou.
Lè chandèl mouri, chandelye dore pa klere.
Lè chat pa la, rat danse kalinda.
Lè chay twò lou, ou mete l atè.
Lè chen ap bwè dlo, li di: "pa ou se pa ou."
Lè chen bay tan, ou salye mèt kay.
Lè chen gen zo nan bouch, li pa gen zanmi.
Lè chen griyen dan l, se lè sa a li fache.
Lè chen montre ou dan l, se pa ri l ap ri ak ou.
Lè chen pa vle kenbe kabrit, li di janm li fè l mal.
Lè chòdyè plen, kouvèt pran pa l.
Lè chwal fè milèt, se pou do l poze.
Lè de (2) gran nèg ap refle zafè yo, pitit, rale kò ou.
Lè dife mouri, timoun badinen nan sann.
Lè dife pran nan ri defon, fò wa konnen konben kokobe ki genyen.
Lè digdal vèni pike, kalbas vid dwe piga kò li.
Lè dlo ap desann, ou pa foure pye ou.
Lè fèy bwa tonbe nan dlo, se pa lè sa a li mouye.
Lè foumi mòde pye kabrit, li kite savann, li moute nan mòn.
Lè granmoun ap pale, timoun pa gen lapwòl.
Lè gwo wòch ap woule, boutey, mete ou sou kote.
Lè jakodi tèktègèdèk, se kè l ki kontan.
Lè joumou jwenn bon tè, li kouri.
Lè kabwèt ou kole, se lèou konnen non bèf ou.
Lè kay ou piti, ou pran nat ou anba bra ou.
Lè kè kontan, pye vini lejè.
Lè kè ti poul kontan, konnen malfini pa lwen.
Lè kè ti poul kontan, se lè malfini pran l.
Lè kè ti poul kontan, se malfini ki dèyè l pret pou pran l.
Lè kizin pran dife, gran kay pa lwen.
Lè kod nan pye poul, ravèt fè li esplikasyon.
Lè kòk pa nan batay, li wè kout zepon li ta fè.
Lè kokobe pwomèt kase tèt ou, wòch li nan makout li deja.
Lè krich vèni pike, kalbas vid piga.
Lè labouyi cho, ou manje li sou kote.
Lè lagè twò cho, blese pa genyen chans sove.
Lè lanmè gwonde, se lè li vle vini gwo.
Lè laperèz pran ou, pitimi pa kapab pase.
Lè larivyè desann, li trennen gwo kay.
Lè li fè nwa, ou moute kabann.
Lè liks an wo, karaktè bese.
Lè m tande, m bliye; lè m li, m sonje; lè m fè, m konprann.
Lè mabouya kouche sou vant, ou pa konnen si li se mal oubyen femèl.
Lè makak pwomèt kase tèt ou, wòch li nan makout li deja.
Lè maladi atake konstitisyon moun, fòk li mouri.
Lè malè dèyè ou, lèt kaye kase tèt ou.
Lè malè konmanse pousib yon moun, se sòti nan youn tonbe nan yon lòt.
Lè malè pousib yon fanm, li pa konnen kote pou li pase.
Lè malè, wanga pa sèvi.
Lè malfini ap preche, piga poul ou.
Lè malfini pa jwenn poul, li pran pay.
Lè malfini vole, li pa jwenn plim, li pran pay.
Lè manke gid, pèp la gaye.
Lè manman lakizin, ou mèt met kouvè.
Lè manman poul ap ponn, li pa janm bliye nich li.
Lè yon mantè di verite, pèsonn pa kwè li.
Lè mapou tonbe, kabrit manje fèy li.
Lè marengwen ap vole, ou pa konn mal ou pa konn femèl.
Lè mizè pousib ou, po patat koupe ou.
Lè mouch ap nwi moun, se lè yo vle mouri.
Lè moun fou pwomèt kase tèt ou, wòch li nan makout li deja.
Lè mwen kanpe, yo va wè longè mwen.
Lè n a wè, n a kwè.
Lè nanpwen van, fò pran zaviwon.
Lè nèg razè, se lè a li pi bwòdè.
Lè nèg sou, li kriye pou manman li.
Lè nen pran kou, je kouri dlo.
Lè ou ale wè avèg, fèmen je ou.
Lè ou an devenn, lèt kaye kase tèt ou.
Lè ou an sante ou fè tout bagay; lè ou malad ou rete gade moun ap fè.
Lè ou ap benyen pitit moun, lave yon bò, kite yon bò.
Lè ou ap bwè nan you sous, pa chye ladan l.
Lè ou ap manje kay djab, kenbe kiyè ou long.
Lè ou ap neye, ou kenbe branch ou jwenn.
Lè ou ap plimen poul, kòdenn pa ri.
Lè ou ap tann soupe kay kanmarad, ou dòmi twò ta.
Lè ou bay chen kanson, ou pa gen dwa gade kote li chita.
Lè ou bay kaka zèl, li vòlò e li tonbe sou nen ou.
Lè ou bezwen kongo, ou rele l Yaya.
Lè ou bezwen, ou dwe pi entelijan.
Lè ou bezwen, se ou ki mache.
Lè ou boule bwa, fò ou fè sann.
Lè ou bwè nan sous, pa kaka ladann.
Lè ou byen abiye, ou pa rankontre ak bèlmè ou; se ak manman ou ou kontre.
Lè ou devenn, po patat koupe pye ou.
Lè ou dòmi byen, ou pa santi pis.
Lè ou fè byen, tan pase vit.
Lè ou fè chen sote, li rele; lè ou ba li yon bou kou, li plenn.
Lè ou fè nèg byen, se manman ou ou kale.
Lè ou fè pri, ou fè patipri.
Lè ou fin manje pitit tig, ou pa dòmi.
Lè ou gen jaden ou ki lwen, manje ou pa gaspiye.
Lè ou gen pitit fi, ou pa janm ka di kochon pap monte tab ou.
Lè ou gen yon moun pa ou, li toujou kache pou ou tou sa ou fè mal.
Lè ou gen yon sèl chemiz, si ou voye l nan lesiv, ou a dòmi toutouni.
Lè ou grangou patat pa gen po.
Lè ou grangou, tout manje bon.
Lè ou grate kwi twòp, fòk li kreve.
Lè ou jwe ak chen, li voye pis sou ou.
Lè ou kenbe chen ou, se lè pou m kenbe baton m.
Lè ou kenbe zangi nan ke, ou poko genyen li.
Lè ou kontre yon zo nan lari, konnen li te gen chè sou li.
Lè ou kouche sou pou bèf la, pa penmèt di li santi.
Lè ou kouri twòp, ou kase pye ou.
Lè ou krache anlè, li tonbe sou pwent nen ou.
Lè ou mache ak chèf, ou resevwa ochan.
Lè ou mache ak yon pantalon, li pa janm jete ou; se lè ou pote ranyon ou tonbe.
Lè ou mache, pa frape tè fò; se li ki nouri ou; se li ki va defèt ou.
Lè ou malere, tout bagay sanble ou.
Lè ou manje ak djab, kenbe kiyè ou long.
Lè ou manje ak moun, ou grangou ak moun.
Lè ou montre jako pale, se li ki antrave ou.
Lè ou nan devenn, lèt kaye kase tèt ou.
Lè ou nan devenn, po patat koupe pye ou.
Lè ou nan dinen koukou, fò ou reziyen ou pou manje kaka chwal.
Lè ou nan lagè, ou nan lagè.
Lè ou nan kalinda koukou, ou reziyen ou manje kaka chwal.
Lè ou nan mal, ou nan mal nèt.
Lè ou nan mitan bourik, ou pote ba.
Lè ou pa gen bourik, yo pap prete ou chwal.
Lè ou pa gen manman, ou tete grann.
Lè ou pa gen pitit, ou se chen.
Lè ou pa ka bay yon pòv, ou pa kraze kwi li.
Lè ou pa ka manje yon manje, pito ou gate l.
Lè ou pa konnen, ou pote dlo nan panyen.
Lè ou pa pale, yo kwè ou sòt; lè ou pale, yo wè ou sòt.
Lè ou pa renmen yon moun, ou ba l panyen pou ale chache dlo.
Lè ou pare pou al jwenn ak bèlmè ou, se ak manman ou ou jwenn.
Lè ou pase maladi, ou vin konnen renmèd.
Lè ou pèdi, ou peche.
Lè ou pise yon sèl kote, li fè anpil kim.
Lè ou pran asosye, ou pran yon mèt.
Lè ou pran ka sadi n, li konprann se vyann li ye.
Lè ou pran, ou konnen.
Lè ou pran yon fanm ak adrès, li rete pou ou.
Lè ou prete chwal zanmi, ou toujou apye.
Lè ou razè, ou konnen sa lajan vo.
Lè ou rive nan peyi moun bòy, ou fèmen yon je tou.
Lè ou rive yon kote, ou danse kou tout moun.
Lè ou senyen nan lang ou, ou konnen gou san.
Lè ou sòti nan karaktè ou, ou pa fè anyen ki bon.
Lè ou sot pi wo, ou pran pi gwo so.
Lè ou sou do bèf la, ou pa pale li mal.
Lè ou tann soupe kay kanmarad, ou dòmi ta.
Lè ou te wè de "B" a, ou konnen se te bonbon; toutan se te bat bounda.
Lè ou twò anbarase, ou kase karant, ou konte ven.
Lè ou twò prese, ou pran manti.
Lè ou veye moun nan nwit, ou pa mete soulye ki kriye.
Lè ou vle bliye yon moun, se lè ou sonje li.
Lè ou vle kenbe twòp, ou pèdi tout.
Lè ou vle twonpe moun, se tèt ou ou twonpe byen souvan.
Lè ou voye timoun nan mache, pa janm voye wòch.
Lè ou wè chat kouche je fèmen, li pap dòmi pou sa.
Lè ou wè poudbwa manje boutèy, kwoke kalbas ou wo.
Lè ou wè poudbwa manje kannari, kalbas pa kapab pran pye.
Lè ou wè yon jenn fèk ap vini, ou chita, ou gade l; men lè li granmoun, li prale, ou leve pou gade ale li.
Lè ou wè vi zo nan gran chemen, konnen li te gen vyann sou li yon jou.
Lè ou wè zo sou gran chemen, konnen li te gen vyann anwo l.
Lè ou wè zo nan gran chemen, pa di li pa janm moute tab.
Lè ou zanmi ak yon moun, ou zanmi menm ak chen devan pòt kay li.
Lè Palè Nasyonal pran dife, Fò Dimanch pa lwen.
Lè papye pale, tout moun va rete trankil.
Lè pope va pale, tout moun va trankil.
Lè poul ap dòmi, malfini veye.
Lè poul bwè dlo, li pa bliye di Bondye mèsi.
Lè poul mare, ravèt fè li esplikasyon.
Lè poul nan kòd, ravèt fè l esplikasyon.
Lè poul nwi nich li twòp, li kraze ze l.
Lè pyebwa jwe ak van, li pèdi fèy li.
Lè rat ap fè bal, yo pa envite chat.
Lè ravèt ap fè dans, li pa envite poul.
Lè ravèt pa ka manje yon manje, li gate l.
Lè setan ou echi, se ale pou ou ale.
Lè sòt fin konnen, lespri mal ou viv.
Lè tèt pa travay, se pye ki travay.
Lè ti kribich bezwen grandi, se nan twou wòch li rete.
Lè ti poul cho, se malfini ki dèyè l.
Lè ti poul twò ge, malfini pran l.
Lè ti poul vole pou l beke granmoun, se lè a malfini pran l.
Lè tig ale kay Timalis, tout moun kontan.
Lè timoun bezwen kriye, gade ou gade l, li kriye.
Lè timoun visye mande ou gonbo cho, ou ba li l nan plat men l.
Lè tonnè gwonde, se Bondye ki pale.
Lè tout vis vini vye, kras rete jenn ankò.
Lè van soufle, ou ka wè bounda poul.
Lè van tonbe, ou dwe pran zaviwon.
Lè van vante, se lè sa a ou wè sa ki dèyè ke pijon.
Lè vant chat plen, bounda rat anmè.
Lè vant chat plen, dèyè rat anmè.
Lè vant chat plen, ke rat anmè.
Lè vant jako plen, li san pozisyon.
Lè vant plen, gouyav gen vè.
Lè vant plen, kè kontan.
Lè vant plen, pitit toujou sanble papa.
Lè yo bay yon tèt bèf pou manje, n a pa pè je li.
Lè yo envite bourik nan festen, li pote dlo oubyen bwa.
Lè yo pa jwenn chen, yo pran chat pou al lachas.
Lè yo pa konnen ou, ou pote dlo nan pànye.
Lè yo pa renmen ou, tou sa ou fè sòti mal pou ou.
Lè yo pa renmen ou, yo ba ou panyen koule al nan dlo.
Lè yo vle touye yon chen, yo di l anraje.
Lè yon bèt konnen li gen ke, li pa janbe dife.
Lè yon chòdyè cho, ou pa desann li ak men.
Lè yon moun fè byen ak malfektè, dis lonn twal pa ase pou fè rad pou li.
Lè yon moun fè byen ak malfektè, dis po bèf pa ase pou fè soulye moun lan.
Lè yon moun malad ak lè li gaya, se de.
Lè yo ba ou tèt bèf pou manje ou pa bezwen pè je li.
Lè yon zafè pa gade ou, dòmi pran ou.
Lè ze kale twò bonnè, ti poul pa viv.
Lè zèl pijon kase, li manje atè ak chen.
Lè zonbi goute sèl, li pa konnen rete.
Lè zonbi goute sèl, li pa vle rete.
Lè zòrèy pèse, li ka pote nenpòt zanno.
Lè zwazo sal nich li, apa plim li ki pran.
Ledikasyon libere moun.
Ledikasyon se poto mitan nan yon peyi.
Lenj sal, se anfanmi ou lave sa.
Lènmi pa janm piti.
Lènmi rekonsilye pa lènmi.
Lèp di li renmen ou pandan l ap wonje dwèt ou.
Lespri anpil bon, men pridan pi bon.
Lespri bay dinen, konnen tout ki anchaje li; se twouve sòt ki manje.
Lespri fè, men se sòt ki pwofite.
Lespri pa nan liv.
Lespri vole, kò trennen.
Lespri voye sòt nan mache, sòt twonpe moun lespri.
Lespwa fè viv.
Lespwa se tire nwaj.
Lestonmak pa kè kilòt.
Lestonmak se boutèy nwa; ou pa konn sa k ladann.
Lestonmak se kòf.
Lèt tete pi bon pase tout lòt lèt.
Leta pa zanmi ou.
Leta se chwal papa.
Leta se li sèl wa.
Leta se nanchon ki trèt nan sa l ap fè.
Leta se wòch nan dlo.
Letènèl gran.
Lezòm de byen vann chwal yo san lavant papye.
Lezòm sonje ak rezon e aji ak kè.
Lezòm sote ponpe, Bondye mennen yo.
Li fou nan tèt, pye l pa konn sa li ta pran lari deja.
Li kase pou grandi.
Li konn kouri, li pa konn kache.
Li konnen manje farin, li pa konnen plante manyòk.
Li mennen li kòm aran mennen bannann.
Li pa fè ka l si l se chen.
Li pa janm twò ta pou chat soupe.
Li pa janm twò ta pou fè byen.
Li pa janm twò ta pou yon granmoun aprann sa l pa t konnen nan jenès li.
Li pa janm twò ta pou di chen anraje.
Li pa janm twò ta pou vye chen anraje.
Li pran ront, sèvi kòlè.
Li pi difisil pou montre pase aprann.
Li remèt li yon sigarèt limen nan de bout.
Li rete kay pè, li mouri san batèm.
Li se kiyè bwa, li pa pè chalè.
Liberal nan bouch se youn, men nan aplikasyon se yon lòt.
Libète pa lisans.
Linyon fè lafòs.
Linyon poul ak ravèt se nan vant poul li fèt.
Lògèy degrese lòm.
Lontan se kochon k te konn di: houm houm houm; jodi a se moun k ap di: houm houm houm.
Lotri se baton avèg.
Lou pa fè mouton.
Lougawou pa manje lougawou parèy li.
Lwa rete nan peristil.
Lwa se zatrap.
Lyann mouri kote li kouri.
Lyann panyen pa anyen, men li fè panyen.
Lyann swiv gòl, ti pwason swiv kouran.
Lyann yanm ka mare yanm.

l/start.txt · Last modified: 2024/07/23 23:08 by admin