j:start

Proverbs Starting with J

Ja kase anbarase pye.
Jaden joumou donnen joumou.
Jaden lwen, gonbo gate.
Jaden lwen, gonbo di.
Jaden pa janm chich pou mèt li.
Jaden pitimi pa donnen mayi.
Jako fèzè, men li pa zoranj pou sa.
Jako ki gen lespri toujou konpwomèt vòlè.
Jako mawon pa konn mizè jako nan kalòj.
Jako mèt vye, men bèk li pa janm vye.
Jako nan mon pa kondwi jako lavil.
Jako pa al nan lagè, men plim li ale.
Jako pa janm bliye premye mèt li.
Jako pa janm fè sa li pa wè.
Jako pa janm konnen lè gen etranje pou l pe bouch li.
Jako pa janm rele devan vyann.
Jako pa pote non l pou bèl plim.
Jako pale franse, men li pa moun pou sa.
Jako pye vèt toujou bòzò.
Jako repèt se dife gazolin.
Jan Bouki kanpe, se konsa yo taye pantalon li.
Jan chache, jan twouve, jan anbarase.
Jan chat mache lajounen, se pa kon sa li chase lannwit.
Jan chat mache, se pa konsa li kenbe rat.
Jan chat monte bwa, se pa konsa li desann.
Jan ou bat tanbou a, se konsa nou danse.
Jan ou fè kanbann ou, konsa ou kouche.
Jan ou kouche, se pa jan ou leve.
Jan ou marye, se pa jan ou divòse.
Jan ou pale, se pa jan ou fè.
Jan ou ranje kabann ou, se jan ou kouche.
Jan ou vini, se jan an yo resevwa ou.
Jan ou wè bèk jako long, se konsa li tripòt tou.
Jan pen ou ye, se konsa soup ou ye.
Jan poul grate, se pa jan yo manje mayi.
Jan poul grate, se pa konsa l manje mayi.
Jan senjòy mache, se pa jan li kenbe ravèt.
Jan Tyèn kouche, konsa Nikola kouvri l.
Jan Tyèn ranje kabann li, konsa Nikola kouche.
Jan voye ou moute bwa, men li pa voye ou moute l ak soulye.
Jan voye ou monte bwa, men li pa voye ou monte l ak soulye.
Jan wosiyòl chante, se pa jan li kenbe mouch.
Janbèt ou koupe ou; siye li, plwaye li, foure li nan pòch ou.
Jan bèt ou twouve nan gran chemen, se nan gran chemen ou va pèdi li.
Jandam pa janm byen ak sivil.
Jandam pa nan rans, menm ak fanm li.
Janm ede baton, baton ede janm.
Janm long fè pi gran pa pase janm kout.
Janm long ka fè gran pa, sa pa vle di li konn mache pi byen pase janm kout.
Janm long pa vle di konnen mache.
Janm twouse pa bòt.
Je ap toujou wè, bouch ap toujou pe.
Je di l pa wè; sousi di l a kòmande.
Je fon kriye devans.
Je granmoun mèt pete, men li pa bliye kwit kalalou.
Je ki je pa wè, sousi di la kòmande.
Je ki wè byen, se limenm ki wè mal la tou.
Je ki wont, se li ki kriye.
Je kreve pa anpeche kòk kalite goumen.
Je pa dan, dwèt pa kòn.
Je pa gen bòday.
Je pa gen lantiray.
Yon je pa je.
Je pa pote chay, men li wè chay ki lou.
Je pa wè, kè pa tounen.
Je pe sou tou sa ki gen lè move.
Je pete pa jwe zo.
Je pete pa rete kòk bat.
Je pou wè, zorèy pou tande, e bouch pou pe.
Je pran kou, nen kouri dlo.
Je se fennèt kè.
Je wè, anvan bouch.
Je wè bouch pe.
Je wont je.
Je wouj pa boule kay.
Je wouj pa boule savann.
Je wouj pa vle di dife.
Jeneral Kapon ak Jeneral Pridan, se de moun diferan.
Jenn moun pa jenn bèt.
Jennen se konmansman anbarase.
Jennfi ki mete chal sanble vye granmoun.
Jennfi se machandiz frajil.
Jete bliye, ranmase chonje.
Jete pa mepri, ranmase pa bezwen.
Jijman Bondye vini sou bourik.
Jijman Bondye mache sou bourik.
Jijman se kòb.
Jiman fè pitit, do yo se pou chay.
Jile desou pa varèz.
Jistis Bondye se kabwèt bèf.
Jòdi ak denmen se de.
Jòdi a pou ou, demen pou mwen.
Jòdi a se pou nou touye tèt koulèv la.
Jòdi lavi, denmen lanmò.
Jòdi nanpwen chive kwòt, fè rann yo plat.
Jòdi pa denmen.
Jòdi pa touye denmen.
Jòdi pou mwen, demen pou ou.
Jòdi pou youn, denmen pou yon lòt.
Jou ale jou vini, yon jou n a bon.
Jou benyen, nanpwen kache lonbrit.
Jou devenn, lèt kaye kase tèt ou.
Jou fèy la tonbe nan dlo a, se pa jou a li pouri.
Jou ki long pa fè ouvray.
Jou kochon ta vle fè rejim, fòk li ta chanje non li.
Jou malè lèt kaye kase tèt ou, po patat koupe pye ou.
Jou malè wanga pa sèvi.
Jou manman m mouri, se pa lè sa a m kriye.
Jou ou benyen, tèt pa janm raze.
Jou ou byen abiye, sa pa jou ou rankontre ak bèlmè ou.
Jou ou mare lantouray ou, se pa jou li tonbe.
Jou ou pare, ou pa kontre ak bèlmè ou.
Yon jou pou chasè, yon jou pou jibye.
Yon jou pou dyab, yon jou pou Bondye.
Jou pwason pi devoran pou mòde, yo tonbe nan senn.
Jou regleman anpil salte va sòti.
Jou se frè lannwit.
Jou ti poul pi kontan, se jou sa a malfini pran l.
Jou va, jou vyen.
Jou yon ti poul pi kontan, se jou malfini pran li.
Jouman granmoun, se lasajès.
Joumou donnen joumou, kalbas donnen kalbas.
Joumou pa donnen kalbas.
Joure chen, men di dan li blanch.
Joure fè pi mal pase bay kou.
Jouwoumou fè matla, li kouche atè.
Jouwoumou jwenn bon tè, se pou li kouri.
Jouwoumou pa donnen kalbas.
Jwe ak dife, dife va boule ou.
Jwe ak makak, men pa manyen ke l.
Jwèt chat, se rèl sourit.
Jwèt se jwèt, kwòchèt kwòkanjanm.
Jwèt se jwèt, kwòchèt pa ladann.
Jwèt se jwèt, so kabrit pa ladann.
Jwif ak katolik ka fè bon menaj.
Jwisè pa janm konnen lapenn moun k ap fè pou li.

j/start.txt · Last modified: 2024/07/25 17:10 by admin