d:start

Proverbs Starting with D

Dan ak lang konn mòde men yo viv.
Dan ak lang toujuou nan kont.
Dan devan pa kraze manje.
Dan granmoun yo gate, men pawòl yo bon.
Dan griyen pa bwè soup.
Dan kayiman pa lans.
Dan kochon sòti deyò lè kochon kòmanse rive.
Dan mòde lang.
Dan ou genyen, se ak li ou manje.
Dan pa ka pote dèy.
Dan pa kè.
Dan pouri gen fòs sou bannann mi.
Dan ri danje.
Dan ri malè.
Dan ri kò.
Dan se zo.
Dan toujou ap mòde lang, men yo toujou rete menm kote.
Danje rete bò sirte.
Danmijann poko plen, boutèy pa ka jwenn.
Danmijann toutouni pa ale nan priyè wòch galèt.
Danse byen, men tanzantan gade nan makout ou.
Danse byen pa difisil, se fè piwèt ki kichòy.
De akwobat pa danse sou menm kòd.
De bon pawòl miyò pase senkant bavadage.
De chen apre yon zo pa janm dakò.
De chodye gra anbarase yon chen mèg.
De je kontre, manti kaba.
De je pa koupe bwa kwochi.
De je pete pa jwe zo.
De kòk kalite pa rete nan menm baskou.
De (2) kont twa (3) se peche.
De kou nan mouda bourik la, de kou nan sak pay la.
De lajan pa goumen.
De mal krab pa rete nan menm twou.
De matlòt pa janm byen.
De mèg pa fri.
De mòn pa ka kontre, men de moun ka kontre.
De moun onèt vann chwal yo san papye.
De moun sòt vann chwal yo san papye.
De oungan pa danse anba menm tonnèl.
De pa kanmarad youn.
De pye kabrit pa fri; se yon pye kabrit ak yon pye kochon ki fri.
De se kont, twa se peche.
De tèt, de lespri.
De ti chen ap jwe, se youn ki pou tonbe.
De ti kalalou pa kapab glise nan mitan ven (20) konkonm.
De toro pa begle nan menm savann.
De toro pa kòmande nan menm savann.
De toro pa ret nan menm savann.
De (2) twou manti pa fon.
De vye tach pa kouvri kay.
De wa pa kòmande nan menm chato.
De zòm mouye nan lapli; gen youn ki pi mal.
De zòm onèt vann chwal yo san lavant.
Debouye pa peche.
Degaje pa peche.
Defo pa lòt nan boutèy blanch, defo pa nou nan boutèy nwa.
Degaje pa peche.
Degoute miyò pase pa pise menm.
Demi kwit sove, konsonmen peri.
Demokrasi ou lanmò.
Denmen jije jòdi.
Denye bwè pi bon dlo.
Depanse pa mal, se kenbe bon kont ki di.
Depi bourik pa t gen malozye, ti mouch te viv.
Depi chat pa la, tout danse kalinda.
Depi danmijann plen, bouchon tranpe.
Depi gen lajan, chen danse.
Depi granmoun pa fè wòl ou, tout timoun ranse nan bab ou.
Depi granmoun pa la, lekòl lage, tout timoun pran kay la pou yo.
Depi granmoun travay, se pou timoun gaspiye.
Depi kochon bezwen mouri, li fè grès nan kou.
Depi kochon pwòp, fò kò li grate l.
Depi kochon wè labou, li danse banda.
Depi li aswè, tout chat gri.
Depi li fè midi, bourik sendonmeng kanni.
Depi mwen rat, se premye fwa mwen pran nan pèlen sa a.
Depi nan Ginen, bon nèg ap ede nèg.
Depi nan Ginen, nèg ap trayi nèg.
Depi nan Ginen nèg ap twonpe nèg.
Depi nan Ginen nèg rayi nèg.
Depi nan Ginen, youn ap bay lòt manti.
Depi ou ale nan dine koukou, fòk ou manje poupou chwal.
Depi ou al nan fèt kochon, se kaka kochon pou ou manje.
Depi ou ale labatwa, fòk san vole sou ou.
Depi ou ap fè zafè ak kochon, se matlòt labou ou genyen.
Depi ou boule bwa, fòk ou fè chabon.
Depi ou fè pati bourik, fò ou pote chay.
Depi ou gen jako, fòk pawòl ou pale.
Depi ou gen mayi nan solèy, se pou ou veye poul.
Depi ou grangou, ou pa wè.
Depi ou jwe ak chen, l ap lage pis sou ou.
Depi ou kouri devan chen, li pran ou pou kochon.
Depi ou labatwa, fòk san vòltije sou ou.
Depi ou manyen sa k pa pou ou, ou an tò.
Depi ou manje lajan chango, fòk ou peye chango.
Depi ou nan labatwa, fòk ou aksepte san vole sou ou.
Depi ou nan palan, fòk ou aksepte san vole sou ou.
Depi ou pa genyen anyen, ou pa pèdi anyen.
Depi ou pa gen lajan, zanmi pa konnen ou.
Depi ou pran ka piskèt, fòk li mande kokoye.
Depi ou vle, ou kapab.
Depi ravèt mare nan kòd, ravèt fè l esplikasyon.
Depi samdi ou konnen kouman dimanch ou ap ye.
Depi sòlèy kouche, tout chat gri.
Depi sòt konnen, lespri mal pou viv.
Depi tanbou frape, Ayisyen kontan.
Depi tèt pa koupe, ou espere mete chapo.
Depi tèt pa koupe, toujou gen lespwa.
Depi ti poul twò ge, malfini pran l.
Depi timoun derespekte granmoun, li pouse bab anba tè.
Depi yo manje boutèy, y ap rann zenglen.
Depi yon chen mèg, yo di li gen pis.
Depi yon moun grangou, li soud.
Depi zonbi goute sèl, nanm li ap vin sou li.
Depi zòrèy pèse, li ka pote nenpòt zanno.
Desizyon anwole, espwa grade.
Devan baryè pa di rive pou sa.
Devan chat, chen se gran wa.
Devan enterè, pa gen zanmi.
Devan grinbak, nanpwen fè bak.
Devan gwo, piti pa viv.
Devan lajan pa gen zanmi.
Devan mechan gen mechan toujou ki pi rèd pase lòt.
Devan mizè, gen mizè ki toujou pi rèd pase lòt.
Devan pòt pa janm tounen dèyè kay.
Devenn se pyan.
Devenn se ti frè malere.
Dèyè do pa di mèt li.
Dèyè do se nan Ginen.
Dèyè do se yon peyi.
Dèyè kay vin douvan kay.
Dèyè mòn gen mòn.
Dèyè pawòl gen pawòl.
Dèyè se zèb, li kale, la pouse.
Dèyè se zèb, li taye, la pouse.
Deyò pa bezwen konnen zafè dan ak lang.
Di ak fè, se de bagay, men se fè ki konte.
Di bonjou, Bouki, l ap manje ou; di bonjou, Djab, l ap manje ou. Ale yo nan mèd.
Di bonjou moutre chemen.
Di "Bonjou, Bouki," l ap manje ou; Di l "Bonjou, Nonk Bouki," l ap manje ou; Di "Bonjou Bouki bounda boule," kont fini.
Di "Boujou, Papa Djab," l ap manje ou; Di "Bonjou, Djab," l ap manje ou; Di "Bonjou, Djab!"
Di chen vòlè, men pa di l vòlè tabak.
Di dyab bonjou, pa di l bonjou, l ap manje ou kanmenm.
Di mwenn sa ou frekante, m a di ou sa ou ye.
Di se joujou.
Di yo wi, nanpwen kont.
Dife ki boule brigo, se li ki boule sòlda.
Dife pa grès, men kou ou boule ou niche l.
Dife pran, tout moun ede touye l, men se pa tout moun ki piye.
Difisil pa bònè, se lachans ki bay.
Difisil pa bònè, se lachans ki dòn.
Dimanch touni mòtifye.
Dimoman tèt pa koupe, ou ap toujou espere.
Diri te di plis pase sa, epoutan kalalou sal li.
Disèl pa janm vante tèt li di li sale.
Djab bay pwen, men li pa voye ou al tchatchatcha nan kafou.
Djab mele ak bon mask.
Djab olandè mèt vini, mwen pa pè.
Djab pa janm bay pou granmèsi.
Djab pa janm manje ak kiyè, li manje toujou ak fouchèt.
Djab pa manje djab; djab fè djab pè, men djab pa manje djab.
Djab pran sa ou wete nan men Bondye.
Djòb Leta, djòb biznis.
Djòb Leta pa chwal papa.
Djòl fanm pa gen dimanch.
Djòl fanm se akòdeyon; li toujou louvri ak fèmen.
Djòl fè dèt; dan pèyè l.
Djòl fè dèt; dèyè pèyè l.
Djòl jako pa janm gen dimanch.
Djòl kochon kimen, men li pa savon lave pou sa.
Djòl vye granmoun santi, men pawòl li pa santi.
Djòl vye granmoun santi, men se yezon ki la.
Djondjon gen defol; lè ou pare bon teren pou li, se dèyè latrin l ale leve.
Djondjon leve kotè l vlè, menm anba jouk poul.
Djondjon leve nan kaka chwal, se gou li li fè.
Dlo frèt ka boule tou.
Dlo ki kouri pa kenbe kras.
Dlo ki pou ou, sè li ki tonbè nan ja ou.
Dlo ki poze, se li k ap neye ou.
Dlo lacho blan, men sè pa lèt li yè.
Dlo manyòk pa lèt.
Dlo ou pa pè, sè li ki potè ou alè.
Dlo pa monte mòn.
Dlo pase farin.
Dlo pote dife sekou, men dife pa janm pote dlo sekou.
Dlo sal pa anpeche larivyè kouri.
Dlo se lavi.
Dlo a tonbe, kannari a la.
Dòktè pa janm trètè tèt li.
Dòktè swen ou, men li pa Bondye.
Dòmi pa konn mizè.
Dòmi pa lanmò.
Dòmi pòv, leve rich.
Dòmi se ti frè lanmò.
Doulè yon fanm se pou tout fanm.
Doum vid fè anpil bri.
Doute pa konnen.
Douvan kochon, fanm salòp chante kantik.
Douvan pot tounen dèyè kay.
Douz metye, trèz mizè.
Dra kout fè moun dòmi koupi.
Dra nèt dwe kouvri dra sal.
Dra ou kont koupi pye ou.
Dra pa jete ou, ranyon jete ou.
Dwèt k ap ba ou manje, ou pa mòde l.
Dwèt ou pa ou, ou pa ka koupe l jete.
Dwèt ou santi, men ou pa ka koupè l jètè.
Dwèt pa bwè tafya, li montre kote ki gen pou vann.
Dwèt trese kòd, kòd mare bra.
Dyaman kont dyaman, youn koupe lòt.
Dye pa nou.
Dye pa lòm.

d/start.txt · Last modified: 2024/07/25 01:23 by admin