c:start

Proverbs Starting with C

Chache fanm pa mal; se pwovizyon an ki rèd.
Chache konnen ak tripòt, se marasa.
Chache konnen chemen anvan ou pran wout.
Chache kont pa difisil; se kenbe kont ki mal.
Chache lavi detwi lavi.
Chaj ou pare pou bèlmè ou, se manman ou ki pote l.
Chaj pa janm twòp lou pou mèt li.
Chak Ayisyen se yon zile.
Chak bagay nan tan li.
Chak bourik bwè dlo nan patiraj pa li.
Chak bourik ranni nan patiray li.
Chak chaple gen kwa li.
Chak chen di priyè li jan li konnen.
Chak chen grate pis li jan li konnen.
Chak chen niche zozo li jan li konnen.
Chak chen pipi jan l konnen.
Chak chen souse tèt zafè li jan li kapab.
Chak dlo desann ak gravwa pa li.
Chak dlo pote krabinaj pa li.
Chak dwèt separe pa gen fòs yon pwen.
Chak fanm fèt ak yon kawo tè nan mitan janm li.
Chak fou gen mawòt li.
Chak jou gen penn li.
Chak jou kiyè bwa ale kay ganmèl, men yon jou ganmèl ale kay kiyè bwa tou.
Chak jou papye chanje nan biwo.
Chak kabinèt gen maragwen pa li.
Chak kochon gen lè pou li ale labatwa.
Chak kochon gen samdi pa l.
Chak koukouy klere pou grenn je l.
Chak kouran pote gravye li.
Chak lapli vini ak lavalas pa l.
Chak larivyè pote gravwa pa l.
Chak lè blese, dènye a touye.
Chak makak sèvi ak ke li jan li kapab.
Chak manje gen zepis li.
Chak marengwen konnen chanm li.
Chak moun chache sove patat pa l.
Chak moun gen lespri, men bon sans ra.
Chak moun gen sò li.
Chak moun gen yon grenn zanno kay òfèv.
Chak moun ki rive vini ak moun pa li.
Chak moun kondi jezi l jan l konnen.
Chak moun konnen marangwen ki nan kwen kabinèt li.
Chak moun konnen pi byen kote ba li blese li.
Chak moun pou tèt yo, Bondye pou tout.
Chak moun regle zafè yo jan yo konnen.
Chak moun sèvi jan li konnen.
Chak pen gen bè li.
Chak pen gen fwonmaj li.
Chak peyi gen mòd li.
Chak pye gen soulye pa li.
Chak ravin desann ak krabinay li.
Chak ravin pote gravwa li.
Chak rivyè pote gravwa pa li.
Chak sen, chak ofrann.
Chak towo fèt pou ranni nan patiraj li.
Chanbo di li konnen fè vè. Se vè ki manje li.
Chanje mèt, chanje metie.
Chans dèyè genyen, devan pa genyen.
Chans fini, koken mele.
Chans pye kokoye genyen, pye palmis pa genyen.
Chans pa gen klaksonn.
Chans pa vini de fwa.
Chans rive, kanmenm yon grenn fwa, pou chak moun.
Chapantye di konsa: si li te pale sa ki nan kè l, jou manman l mouri, li ta byen wont.
Chapantye fouye twou nan palmis, men li pa kapab bati kay.
Chapantye fouye twou, zandolit kouche ladann.
Chapo bèjè ak plim anpil pa vle di kòk pou sa.
Chapo bèjè epi krinolin fè tout moun byen, men se pawòl sa; se peye ki kichòy.
Chapo twa kòn pi bon pase chapo won.
Chare chen pa mal, men se tranble janm lan ki rèd.
Chat ap dòmi kon rat pou l kenbe rat.
Chat ap fè longan gri; li konprann li se doktè.
Chat byen konnen ki bab li niche.
Chat chode nan dlo cho, lè li wè dlo frèt, li kouri.
Chat danse nan dans rat, men yo pa janm dòmi sou menm kabann.
Chat di: "Espè kou espè, ou pa ka espè pase m."
Chat di: "Frekan kou frekan, ou pa ka frekan pase m."
Chat di: "Se chen ki di gade pa twòp, men mwen, m pito ale lachas."
Chat kado pa konn gen kritik koulè.
Chat ki chode nan dlo cho, pè dlo frèt.
Chat ki mande swè, ou mete chen dèyè.
Chat ki pran nan dlo cho, pè dlo frèt.
Chat konnen, rat konnen; barik mayi a rete la.
Chat kouri, rat kouri, kay la an debanday.
Chat la ap jwe ak sourit la; sa pa vle di li pap manje l pou sa.
Chat mande swe, ou mete chen dèyè l.
Chat mawon konnen sou ki bò pou li fwote.
Chat nan dòmi tout tan li pa wè rat.
Chat pa gen lanmò, tout tan l ap fouye twou.
Chat pa janm fiye chen.
Chat pa janm mache kite grif li dèyè.
Yon chat pa kapab kouri dèyè de rat.
Chat pa la; rat bay kalinda.
Chat pa limyè, tout tan l ap flache.
Chat pa mizisyen, men li fè mizik.
Chat te mande mizè, li te wè mizè nan savann dezole a.
Chay la sòti sou tèt li tonbe sou zepòl.
Chay ou pa ka pote, ou mete l atè dousman.
Chèf fè sa li vle, se deja ratifye.
Chemen bezwen pa janm long.
Chemen bouton se chemen maleng.
Chemen kout, move nouvèl; chemen long, bon nouvèl.
Chemen lajan pa janm gen pikan.
Chemen larivyè, se simityè kalbas.
Chemen lavi plen pikan.
Chemen long pa touye moun.
Chemen long, gonbo di.
Chemen ou bezwen pa janm lwen.
Chemen long pa janm touye mèt li.
Chemen ou rayi, se la fènwa bare ou.
Chemen ti bouton se chemen gwo maleng.
Chen anvi pi bon pase lyon mouri.
Chen ap bwè dlo, li di pa ou se pa ou, pa m se pa m.
Chen bat ke li pou l di mèsi.
Chen bouche pa janm mèg.
Chen bwè dlo, li di pa ou se pa ou.
Chen cho pran kout baton.
Chen di: gade pa twòp.
Chen di: ou prale, men ou a tounen.
Chen di: pa ou ki pa ou.
Chen di: pito l rankontre ak mil gran nèg pase ak yon sèl vakabon.
Chen di: tout nèg ki fè elvaj bèf se vakabon, men sa ki gade chwal, bourik ak milèt, se gran nèg.
Chen di: tout nèg ki vwayaje apye se vakabon, e sa ki vwayaje sou bèt ak machin se gran nèg.
Chen fè chen, chat fè chat, bèf fè bèt.
Chen fè rèv li, se nan kè l sa rete.
Chen flate moun li konnen.
Chen fou pa janm mòde mèt li.
Chen fwote ke li sou moun li konnen.
Chen gen fòs devan pòt mèt li.
Chen gen kat pat; li pa mache nan kat chemen.
Chen gen kat pat; se yon sèl wout li fè.
Chen gen kat pye; li pa kouri nan kat chemen.
Chen grangou pa jape; li mòde.
Chen grangou pa jwe ak chen vant plen.
Chen grangou pa jwè.
Chen griyen, men li pa ri pou sa.
Chen jape devan kay mèt li.
Chen jape kan lenmi ap vini.
Chen jape, men karavan pase.
Chen jape pi fò lè l devan kay mèt li.
Chen ki abitye manje ze, se ze pou li toujou manje.
Chen ki ap jape pa mòde.
Chen ki cho pran kout baton nan djòl.
Chen ki fè ou, kochon ki ba ou tete.
Chen ki gen anpil mèt dòmi deyò.
Chen ki gen bon dan pa jwenn bon zo.
Chen ki gen zo nan bouch li pa gen zanmi.
Chen ki grangou pa jape.
Chen ki konnen ou, se li ki souke ke l ba ou.
Chen ki mache nan gran chemen pa mouri grangou.
Chen ki manjèd ze pa janm kite metye li.
Chen ki prese santi sak, se li ki pran kout baton.
Chen ki te konn volè ze ap toujou volè ze.
Chen konnen kouman li fè pou manje zo.
Chen manje chen, chat manje chat.
Chen manjèd ze pa janm kite metye l.
Chen m ap leve pou m kouche.
Chen mare merite bat.
Chen mezire machwè li anvan li manje zo.
Chen montre dan li, li pap griyen pou sa.
Chen nwa pa kochon nwa.
Chen ou kontre gran chemen, piga ou pase men sou tèt li.
Chen ou fè byen, lè li anraje, se ou li mòde.
Chen ou fè byen, se li ki mòde ou lè li anraje.
Chen pa fè chat.
Chen pa janm al chache zo devan pòt tayè.
Chen pa janm mòde pitit li jouk nan zo.
Chen pa janm twò vye pou li anraje.
Chen pa manje bannann, men li pa vle poul beke l.
Chen pa manje chen.
Chen pa sipòte pou chat ale nan konbit chen.
Chen redi baton ke li pou vale zo.
Chen souke ke l bay moun li konnen sèlman.
Chen vant plen pa jwe ak chen grangou.
Chen vòlè, men li itil.
Chen vòlè, men pa di l vòlè tabak.
Chen vòlè tabak menm si l pa femen.
Cheve blan pa vle di vye.
Cheve granmoun blanch, men se esperyans ki ladann.
Chik nan pye pa zòbòy.
Chik nan talon pye pa zepon.
Chik pa janm respekte mèt bitasyon.
Chik pa janm respekte pye gwo mouche.
Chik pa respekte granmoun.
Chik pa respekte mèt bitasyon.
Chita chich.
Chita kay kanmarad tann soupe pa ede ou bat fènwa.
Chita pa bay.
Chita pa vle di rete tout tan.
Chita tande, mache wè.
Chita tann manje kay moun pa ede ou mache lannwit.
Chòche pa ka korije makanda.
Chòdyè ki pa bouyi pou ou, ou pa dekouvri l.
Chòdyè monte sou do timoun, li desann sou do granmoun.
Chòdyè ou pa monte, ou pa desann li.
Chòdyè pa bouyi yon sèl bò.
Chòdyè prete pa janm kwit bon manje.
Chòdyè prete pa bouyi pwa di/sèk.
Chòdyè sou dife, li kriye, mete dlo ladan, li konsole.
Chòdyè sou dife pa mande ou bliye l.
Chòdyè zanmi pa dòmi dèyò.
Chouk nan gran chemen, pye nan gran chemen.
Chwal ak bourik pa atle ansanm.
Chwal ki dèyè bwè pi bon dlo.
Chwal ki gen dis mèt, mouri nan poto.
Chwal ki pa tanpe pa gen mèt.
Chwal konnen longè kòd li.
Chwal mèg pa kapab vole baryè wo.
Chwal nan savann ranni, men pa kwè se pou manman li li ap kriye.
Chwal plizyè mèt toujou kouche san soupe.

c/start.txt · Last modified: 2024/07/10 05:30 by 127.0.0.1