b:start

Proverbs Starting with B

Bab anpil pa vle di granmoun.
Bab blanch di mwen vye; sousi di mwen vye pase li.
Bab kamarad ou pran dife; mete pa ou alatranp.
Bab pi long, men sousi pi gran.
Bab pi long, men sousi pi vye.
Babye chat, men pa kondane kizinyè.
Babye malfini, babye poul.
Babye manman poul, babye ti poulèt.
Babye mouch, babye vyann.
Babye yanm, babye tè.
Badinen byen ak makak, men pinga ou manyen ke li.
Bagay ki pil pa janm bon.
Bagay tou pare pa gen mèt.
Bagidi di li pa demanti granmoun, men fò li wè pou li sere li.
Baka ki gen ke long pa janbe dife.
Bal fini, vyolon nan sak.
Bal kase tèt, bal pèse vant; yo pa janm travèse bal.
Bale devan pòt ou anvan ou gade devan pòt zòt.
Bale nèf bale byen.
Balize tè anpil, se pa sa ki fè rekòt.
Ban m, m a ba ou.
Banda pa di kapab.
Banda pa vle di genyen onè.
Bannann mi pa bonbon.
Barak kochon pa janm mache kite kwòk dan li.
Bare isit, pase lòt bò.
Barik vid toujou fè tren.
Baryè ou fè desepsyon; se la chwal ou bouke.
Baryè ou rayi; se la solèy kouche ou.
Bat bèt la, men manyen chaj li.
Bat bouch miyò pase anyen menm.
Bat chen an, men tann mèt li.
Bat fè a pandan l cho.
Bat lachay pa mal, men se avanse ki tout.
Bat men ankouraje chen.
Bat pè pou pran wòb pè.
Bat yon nèg, se nouri l; bat yon endyen, se touye l.
Batiman vapè ranni, li pa bourik pou sa.
Bato koule pa anpeche lòt navige.
Baton ede pye, pye ede baton.
Baton fanmi pa janm kase.
Baton gen de bout.
Baton gonmye miyò pase de men vid.
Baton ki bat chen blan an, se li menm tou k ap bat chen nwa a.
Baton ki bat chen nwa a, l ap bat chen blan an tou.
Baton ki nan men ou, se ak li ou pare kou.
Baton ki nan men ou, se li ki pouse chen pou ou.
Baton kout fè gwo bourik mache.
Baton ou genyen nan men ou se ak li ou pare kou.
Baton pa ka nan men mwen, epi pou chen anraje ap mòde m.
Baton ride pye, pye ride baton.
Baton bwè moute pase mèt.
Bay chat veye bè.
Bay dan bay dan, kan ou manje kaka nen; kan ou bwè dlo je ou a rete.
Bay fè komisyon; se pye ou ki poze, men tèt ou pa poze.
Bay konsèy achte chwal nan lepli, epi lesèk refize ede.
Bay kou bliye, pote mak sonje.
Bay moun nan sa ki pou li a, menm lè ou pa byen ak li.
Bay moun rich lajan se kòm si ou jete dlo nan lanmè.
Bay, ou va jwenn.
Bay piti pa chich.
Bay piti pa di chich; se anyen ditou ki pa bon.
Bay se bay, prete se prete.
Bayè ba, kabrit pa ka pase.
Bayè gen zòrèy.
Bayè ladwann te di plis pase sa, pise vakabon ki koupe li.
Bayè Makdonal te di pase sa, pise vagabon manje l.
Bèf devan bwè pi bon dlo.
Bèf dèyè bwè dlo sal.
Bèf dèyè bwè pi bon dlo.
Baton ki nan men ou, se li ki pouse chen pou ou.
Bay, ou va jwenn.
Bay piti pa di chich; se anyen ditou ki pa bon.
Bèf dèyè bwè dlo sal.
Bèf di l ap sal savann; se dèyè li li sal.
Bèf di li gwo, li pa konnen valè li.
Bèf di li pral sal savann, se ke l li sal.
Bèf di li wont devan kabrit paske kabrit tou piti gen bab; li menm ki gwo pa genyen.
Bèt kabrèt pa konn sa k ap pase labatwa.
Bèf ki bèf pran souf.
Bèf ki gen anpil mèt dòmi deyò.
Bèf ki gen ke long pa janbe gwo dife.
Bèf ki kouri devan, se li ki bwè pi bon dlo.
Bèf la mouri kite mizè pou po li.
Bèf la tonbe mal; kòche l mal.
Bèf manje kann, kabrit nan boya.
Bèf manje kowosòl, se pa pou plenn vant li; se pou bouch li dous.
Bèf nan poto pa pè kouto.
Bèf pa di savann mèsi.
Bèf pa janm bouke pote kòn li.
Bèf pa janm di savann li pa bezwen l.
Bèf pa janm di savann mèsi.
Bèf pa janm remèsye savann.
Bèf pou wa, savann pou wa. Ki mele m.
Bèf pou wa, savann pou wa; si bèf sal savann, nanpwen rapwòch.
Bèf san ke, Bondye chase mouch pou li.
Bèf san ke, Bondye pouse mouch pou li.
Bèl alyans pa vle di bon maryaj.
Bèl antèman pa di al nan syèl.
Bèl aparans pa vle di ou sen pou sa.
Bèl bonjou pa vle di zanmi pou sa.
Bèl bonjou, se paspò ou.
Bèl cheve pa lajan.
Bèl dan pa di zanmi pou sa.
Bèl dan pa kè.
Bèl fanm, bèl malè.
Bèl fanm kan ou gen lajan pa di bokou; se kan mizè bare ou, ou konnen sa li vo.
Bèl fanm pa di bon menaj.
Bèl fanm pa janm twouve maryaj.
Bèl fanm se traka.
Bèl fi pa di fi kalite.
Bèl fi pa toujou onèt.
Bèl figi pa anpeche maladi.
Bèl figi pa vle di genyen lespri.
Bèl figi san gras sanble zen san lak.
Bèl flè san odè.
Bèl franse pa lespri.
Bèl jaden pa paradi.
Bèl kont fè bliye chagren.
Bèl kou soulye bèl, se atè pou li mache.
Bèl larivyè, nanpwenn rad!
Bèl manyè achte, move manyè peye.
Bèl maryaj pa vle di lajan.
Bèl mèb pa vle di bon maryaj.
Bèl mouri, lèd mouri.
Bèl najè, bèl neyè.
Bèl nòs pa vle di bon menaj.
Bèl pawòl fè rale boutèy blanch.
Bèl pawòl pa kòche lang.
Bèl pawòl pa santiman.
Bèl pawòl pa vle di ou a kenbe yo denmen.
Bèl pawòl pa vle di verite pou sa.
Bèl talan pa nwi pèsonn.
Bèl tirè, bèl mantè.
Bèlmè ou ba ou kalalou; pa kwè li manman ou pa sa.
Bèlmè ou pa bat ou, men l regle ou nan kwi ou.
Bèlmè pa janm gen bon do.
Bèlmè pa manman, bopè pa papa.
Bèlmè voye bofis nan fontenn ak yon penyen.
Benefis kreve sak.
Benefis pa chire pòch.
Benyen timoun toupatou, kite dèyè zòrèy yo sal; se pou manman yo.
Berejenn pa janm chanje koulè.
Bèt ak ke long pa janbe dife.
Bèt aplim pa tanpe.
Bèt ki gen ke pa janbe dife.
Bèt ki pa gen ke, Bondye pouse mouch pou yo.
Bèt pa janm bouke pote kòn li.
Betiz pi dous nan zòrèy moun sòt pase siwo.
Bèzè pa di kapab.
Bilten se papye, bayonèt se fè.
Bitay fè ou vanse chemen.
Bitay pa so.
Bite pa tonbe.
Blan bay, nèg pran.
Blan bon lè li san tèt.
Blan poban manje kasav.
Bo nan bouch, men pè dan.
Bò papa se petèt, bò manman se sèten.
Bò tèt joumou an se pou mèt kay la.
Bofis pa fis.
Bofis pa pitit.
Bòkò ba ou pwen, men li pa di ou dòmi nan gran chemen.
Bòkò ba ou pwen, men li pa di ou moute kokoye tèt anba.
Bòkò di li wete moun nan bouch twou, men se Bondye ki fè gerizon.
Bòkò voye ou al moute pyebwa; li pa voye ou al moute l ak soulye.
Yon bon aranjman miyò pase yon move pwosè.
Bon avèti vo de (2).
Bon bagay koute chè.
Bon blan mouri, move rete.
Bon blan pa kite peyi yo.
Bon chen chase nan ras.
Bon chen pa janm jwenn bon zo.
Bon chen veye byen.
Bon chwal toujou mouri ak maleng nan do.
Bon chwal vann dèyè manman l.
Bon diven pa bezwen etikèt.
Bon diven se sila ou bwè kay zanmi ou.
Bon fanm bon, men move fanm se lanfè.
Bon fanm pa rantre nan pòch.
Bon fanmi se lanmori.
Bon gason se nèg sòt.
Bon jako pa di bon gadò pou sa.
Bon jako toujou mouri ak maleng nan dèyè.
Bon kabare pa bezwen ansèy.
Bon karaktè se wanga fanm lèd.
Bon karès pa fè bon zanmi.
Bon kavalye pa chanje chwal nan mitan pas dlo.
Bon kavalye tonbe achwal.
Bon kè krapo fè li mouri san ke.
Bon kòk chante nan tout poulaye.
Bon kòk pa janm fè bri.
Bon konseye pa fè bon maryaj.
Bon kont fè bon zanmi.
Bon kont pa toujou won.
Bon lanmou pa konnen danje.
Bon liv fè bon notè.
Bon mache koute chè.
Bon manje pran tan pou kwit sou bon dife.
Bon manman, bon pitit.
Bon merit klere nan nwè.
Bon men se wanga fanm lèd.
Bon moun ki soud tande loray ki gwonde nan kè yo.
Bon pa gaspiye.
Bon papa, bon pitit.
Bon papa, timoun tawode.
Bon peyè mèt kòf lòt.
Yon bon poul fè bon pitit; yon bon kòk fè yon bon ze pou fè yon bon pitit.
Bon pye pran devan.
Bon pye sove mèt li.
Bon pye sove move kò; bon kò pa kapab sove move pye.
Bon regleman fè bon zanmi.
Bon renmen pa konnen danje.
Bon repitasyon pi bon pase rad.
Bon revòlt, se pa detri, se pwoteje.
Bon san pa kapab manti.
Bon sèvitè lwa pa pase mizè nan bav sanzave.
Bon sitwayen fè bon peyi.
Bon siwo pa fè reklam.
Bon swa fè bèl maten.
Bon tan fè kachiman.
Bon tan pa paradi.
Bon tandè fè yon sèl vwayaj; mal tandè fè senkant vwayaj.
Bon tè bezwen bon kilitivatè.
Bon tè pa pou abitan.
Bon tèt miyò pase bèl figi.
Bon toujou bon.
Bon zaboka pa janm woule bò kote kochon.
Yon bon zanmi pi bon pase frè.
Bon ze pa toujou tonbe nan bouch bon chen.
Bonbon ou renmen, se li ki fè ou pòv.
Bonbon ou renmen, se li ki fini ak kòb ou.
Bonbon ou renmen, se li ki gate dan ou.
Bondye ap voye dlo pou ou, fè ou savonnen.
Bondye ban m yon maleng dèyè tèt, m asepte l.
Bondye bay bèf bout ke ladrès pou li pouse mouch.
Bondye bay chen maleng dèyè tèt li pou li pa ka niche li.
Bondye bay fredi selon wòb.
Bondye bon.
Bondye bon pase wa.
Bondye chase mouch pou bèf san ke.
Bondye di ou: "fè pa ou, m a fè pa m."
Bondye di: "Tout timoun yo, kouche." Koulèv di: "Mwen atè a deja."
Bondye fè chen, men li pa nan grangou li.
Bondye fè nèg kado sèman.
Bondye gen yon sèl krepin pou tout moun.
Bondye kapab.
Bondye ki Bondye gen madichon, kidira pou mwen menm ki chen!
Bondye konn bay, men li pa konn separe.
Bondye konn kenbe krab mete nan makout avèg.
Bondye konnen poukisa li bay chen maleng dèyè tèt.
Bondye konte ou, li konte m tou.
Bondye kou pou kou ri.
Bondye pa blan, Etazini pa paradi.
Bondye pa bòpè, li se papa.
Bondye pa janm bay de penn alafwa.
Bondye pa janm bay moun chay twò lou pou yo.
Bondye pa janm bay pitit li penn san sekou.
Bondye pap janm mòde pitit li jouk nan zo.
Bondye pa voye tout moun menm jan dezi.
Bondye pi fò pase djab.
Bondye pini san li pa bezwen bat.
Bondye pouse mouch pou bèf san ke.
Bondye se pa bonbon.
Bondye se youn pou tout moun.
Bondye tèlman konnen sa k li konnen; li bay chen maleng dèyè tèt li pou li pa kapab niche l.
Bondye va seche sa li mouye.
Bònè fè se yo. Se mwen tou.
Bonè pa kriye kou doulè.
Bonè se pi bon doktè nan lemonn.
Bonè se pi bon kamarad.
Bonè youn malè tèt.
Bonjou fanm pa laverite.
Bonjou madanm, se mouche ki la.
Bonjou montre chemen.
Bonjou pa renmen.
Bonjou se paspò ou.
Bonte kochon pa ranplase lapenn.
Bòpè pa papa, bofis pa pitit.
Bòs ka vann zouti, men li p apa janm bliye metye.
Bòs mason pèdi zouti li, li pa pèdi metye li.
Bòs matla fè matla, li kouche atè.
Bosi pa bouske zepeng.
Bosi pa bwè dlo kokoye kanpe.
Bosi pa di pote brisak.
Bosi pa wè bòs li; li wè pa lòt.
Bote pa vle di agreyab.
Bouch an bouch, youn di lòt.
Bouch fè dèt, se bounda ki peye l.
Bouch fi pa gen dimanch.
Bouch flatè, fòs louvri.
Bouch gouye, grangou tchoule.
Bouch granmoun ka santi move, men pawòl yo santi bon.
Bouch granmoun mèt santi, men pawòl li toujout bon.
Bouch granmoun mèt santi; pawòl yo pa santi.
Bouch granmoun pa bwose, men pawòl li bwose.
Bouch granmoun santi, men sa k ladann l se rezon.
Bouch granmoun santi, men pawòl li bwose.
Bouch granmoun santi; pawòl li beni.
Bouch granmoun yo santi, men pawòl yo doni.
Bouch granmoun santi; sa k ladann se sajès.
Bouch granmoun santi; sa k ladann se verite.
Bouch granmoun santi tabak, men sa k ladan l se rezon.
Bouch granmoun, se bouch kabrit.
Bouch manje tout manje, men bouch pa pale tout pawòl.
Bouch nègès san dimanch.
Bouch pa gou, men anyen pa rete.
Bouch pa konn di bouch pè.
Bouch pa pè manje cho, ki dire se pawòl.
Bouch pale, je wè.
Bouche nen ou pou bwè dlo santi.
Bouchon pa janm twonpe boutèy.
Boukannen kwann kochon se jete grès.
Boukannen pa gen bouyi.
Boukannen soutni bouyi.
Bouki al nan mache; li wè kaka chen, li di se longan gri.
Bouki al nan mache, li wè kaka chen, li kwè se sosis.
Bouki fè plis pase Timalis te montre li.
Bouki pi vye pase Matyesale men li pa pi janm mouri.
Bouki se direktè lekòl.
Boulèt ki boulèt dlo mennen li ale; kalbas vid, sa ou kwè ou ye?
Boulvari fè gran banda anwo bannann; patat di li: jete mwen pito.
Bounda di li danse, men se kwis ki pote l.
Bounda fache chita atè.
Bounda gwo fanm di: "Fè dèt. M a peye."
Bounda kare pa pete won.
Bounda li won, li vle pete kare.
Bounda mache jis tan li jwenn ak kwis mèt li.
Bounda pa gen zòrèy.
Boure anpil pa ale ak ti figi.
Yon bourik aprann pi vit pase yon moun ki pa wè rezon pou l aprann.
Bourik chaje pa kanpe.
Bourik di se nan mache do yo poze.
Bourik fè pitit pou do l poze.
Bourik ki mal sele a, se li k ap foule.
Bourik kouri toutan chwal pa dèyè l.
Bourik mèt fè santan nan lekiri; li pa gen dwa tounen chwal.
Bourik mèt mete chapo; se pou de zòrèy li parèt.
Bourik mouri, kaba kaka.
Bourik mouri, kaka nan vant li fini.
Bourik mouri, kaki li fini tou.
Bourik ou genyen, se avè l pou ou ale nan mache.
Bourik pa janm ranni devan zèb.
Bourik pa janm sispann pote kwa.
Bourik pa janm wè longè zòrèy li.
Bourik rete bourik, menm lè l gen sèl sou do l.
Bourik rete bourik, menm si li pote relik.
Bourik Sendomeng ou te mèt abiye l; depi li midi, fò l ranni.
Bourik swe pou chwal dekore ak dantèl.
Bourik te mèt abiye kou l abiye, kou li midi fòk li ranni.
Bourik toujou aji tankou bourik.
Bourik travay, chwal galonnen.
Bout kòd rete vwayaj.
Bout kouto miyò pase zong.
Boutèy la manke plen, tèt la pa jwenn anyen.
Bòy pa jwe de.
Brannen tèt pa kase kou.
Brav pa konnen lanwit.
Bri kouri, nouvèl gaye.
Bri la pou fèt, rezon la pou tande.
Brik savon pa lonnvi.
Brisak mwen, se madanm mwen.
Brize konstitisyon jodi a pa anpeche ou di denmen; mwen semante defann li.
Bwa gen zòrèy, sa k ladan l se moun.
Bwa kwochi pap janm drese.
Bwa kwochi pa janm dwat.
Bwa kwochi se nan piti li ka drese.
Bwa ou bezwen, ou pa make l.
Bwa pa bon nan dife, men li fè lafimen.
Bwa pi wo di li wè, men grenn pwomennen di li wè plis pase l.
Bwa pouri, men pawòl pa pouri.
Bwadchenn di li fò, van kase li.
Bwapini nan men nou, lougawou pè pwoche.
Bwasonyè bwè tafya, men li pa bwè lespri li.
Bwè dlo nan vè, respekte vè.
Bwè dlo, rann kwi.
Bwè dlo, remèt kwi.
Bwè dlo, respekte vè.
Bwè tafya gen mèt li.
Bwè tafya, respekte boutèy.
Bwete pa tonbe.
Bwòdè kou kochon ka bwòdè, sa pap anpeche l manje labou.
Byen chita pa vle di byen moute.
Byen konte, mal kalkile.
Byen koukou pa byen frize.
Byen koukou se byen frize.
Byen lòt moun pa pou ou.
Byen mal pa di mouri pou sa.
Byen mal pa di lanmò.
Byen mal pa lanmò.
Byen mal pa mouri.
Byen mennen byen, mal mennen mal.
Byen ou fè pa janm pèdi.
Byen panse pa di laverite.
Byen pre lakay pa rive.
Byen pre pa di lakay.
Byen pre pa rive.
Byen prese pa rive.
Byen san swe pa janm dire.
Byen san swe pa pwofite.
Byen souvan sòt montre lespri.
Byenvini pa konn ansyennte.
Byen vini pa konn zo di.
Byenfè repete pou mal fèt, mal repete pou byen fèt.
Byennere nan monn sa a, se pa paradi nan lòt monn.
Byennere pa anpeche gal tonbe sou ou.
Byennere sou tè a pa paradi.

b/start.txt · Last modified: 2024/07/24 21:14 by admin